Amainhama 3:6 - Baibuli Ekibono kya Katonda 2014

⁶ Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 3:6 ပူးပေါင်းရင်းမြစ်များ

Amainhama 3:12

Omusaadha yairamu ati: “Omukazi ye wampa okubanga ninze n'ampaire ekibala ekyo zeena naalyaku.”

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 39:7

Bweghaabitagho entangama, muka musengwa we yaamulinga ekimodi, yaakoba ati: “Ba ninze mu buliri.”

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

2 Samueli 11:2

Lwali lulala eiguloigulo, Daudi yaasituka yaava ku buliri bwe ng'amaze okulambaala okuwuumulaku, yaatambulatambula ghaigulu ku ngulu okw'endhu ye. Ng'ali eyo ghaigulu yaalengera omukazi ali kunaaba, ng'aboneka bulungi inho.

1 Bakyabazinga 13:19

Kale omulanzi eyava mu Buyudaaya yairayo ghalala n'omulanzi ow'e Betheli, yaalya emere mu ndhu ye era yaanhwa n'amaadhi.

Yobu 31:1

“Neeyama ira okwekuumanga amaiso gange, kabiri ate nandisoboire ntya okulingirira omughala omuguna nga ndi kumwegomba?

Ezekieli 24:16

“Iwe omuntu, bona, onaaja okutemya n'okuzibula nga nkutoire ku maiso oyo asinga okukusanhusa. Aye otalira, oba okuwowoola, oba okutoonhia eiziga waire eirala liti.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

1 Timotheo 2:14

Era Adamu ti n'eyasendebwasendebwa, aye omukazi n'eyasendebwasendebwa, n'agwa mu kibi.

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.

Abalamuzi 14:17

Omukazi yaamuliriranga olw'ekyo buli lunaku, okumalaku enaku omusanvu edh'embaga. Aye ku lunaku olwomusanvu yaamukobera, kuba yamudeeberera inho. Omukazi yaakobera ab'eighanga lye.