Amainhama 3:5 - Baibuli Ekibono kya Katonda 2014

⁵ Katonda yakoba atyo kuba aidhi nga bwemulirya ku muti ogwo, amaiso gaimwe galizibuka, mwaba ng'oti ni mwene, mwamanha obulungi n'obubi.”

Amainhama 3:5 ပူးပေါင်းရင်းမြစ်များ

Amainhama 2:17

Aye otalyanga ku kibala kya ku muti ogw'okumanha obulungi n'obubi, kuba olunaku lwene lw'olikirya, olifa.”

Amainhama 2:9

Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Amainhama 3:10

Yaamwiramu ati: “Nkuwuliire ng'oli mu nimiro, naatya, kuba mbaire madu kye nviire ni neegisa.”

Amainhama 3:22

Agho Musengwa Katonda yaakoba ati: “Bona, omuntu afuuse ng'oti niife, okumanhanga obulungi n'obubi. Tutamuganha kunoga kibala ku muti ogw'obulamu, na kukirya, n'aghangaala byanda na byanda.”

Amainhama 3:7

Olwo amaiso gaibwe bombi gaazibuka, baategeera nga bali madu. Kale baatunga amakaba ag'omuti omutiini, baagakolamu ebivaalo beeghemba.

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

2 Ebyomubyanda 32:15

Kale ni mulobe kuganha Hezekia kubaguyaguya waire okubasendasenda atyo, mutaikiriza by'abakoba; kuba oba nga ghazira katonda yeenayeena wa ighanga oba wa bwakyabazinga, eyaali asoboireku okuwonia abantu be n'abatoola mu buyinza bwange oba mu bwa badhaadha bange, memale olwo Katonda owaimwe anaabawonia atya n'abatoola mu buyinza bwange?”

Zabbuli 12:4

nga bakoba bati: “Ife mu kwogera mwe tufunira bye twenda. Ife ab'eminwa gyaife naani atukobaku?”

Okuvaayo 20:7

“Mutakozesanga liina lyange nze Musengwa Katonda waimwe mu bya matamatama, kuba tija kuloba kubonereza oyo yeenayeena akozesa eriina lyange obubi.

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Isaia 14:14

Ndidha kuniina neeruupe okubisa n'ebire, mbeere irala ng'oti n'ole Ali Ghaigulu Yeene.’

Ezekieli 13:22

“Muja mwabuzaabuza abantu bange abalungi mwabamalamu amaani, nze be mba tyenze batuukibweku kulumizibwa kwonakwona. Ate mwaghaga abakozi b'ebibi balobe kukyuka kuva mu bibi byaibwe, kuwonia bulamu bwaibwe.

Ezekieli 28:12

“Iwe omuntu, lira amaziga ku lwa kyabazinga wa Tiro, omukobe oti nze Musengwa Katonda ndi kumukoba nti: Wali kya kuboneraku eky'omuntu atuukiriire, ng'oidhwire amagezi era ng'oli mulungi inho mu mboneka.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Ezekieli 28:9

Obwo era oliba ng'okaakoba oti oli katonda, ng'oli mu maiso g'abo abaja okukwita? Busa naire, bw'oliba ng'oli mu ngalo dhaibwe oliba muntu buntu se ti katonda.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Danieli 6:7

Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Matayo 6:23

Aye eriiso lyo bweriba eibi, omubiri gwo gwonagwona guba mu nzikiiza. Kale ni oba nga obutangaavu obuli mu iwe bufuuse nzikiiza, memale olwo enzikiiza yeene enaayaga gha?

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Okwolekebwa 13:14

Kyaguya abantu ab'oku nsi n'ebyewuunhio bye kyaikirizibwa okukola mu maiso ag'ekisolo ekyasooka. Kyabalagira okukola ekifaananie eky'ekisolo ekyo ekyateebwaku eibwa n'empiima aye ni kimala kirama.

Okwolekebwa 13:4

Abantu baasinza ogusota kuba gwagha ekisolo obuyinza bwagwo, baasinza n'ekisolo nga bakoba bati: “Naani ali ng'oti n'ekisolo kino, era naani asobola okulwana nakyo?”

Abalamuzi 3:2

Ekyo yakikola ng'ayenda okwegeresa Abaisiraeli aba buli luse eby'entalo, okusingira irala abo abaali nga tibabangaku mu lutalo.