Amainhama 3:4 - Baibuli Ekibono kya Katonda 2014

⁴ Aye omusota gwakoba guti: “Busa naire! Timwidha kufa.

Amainhama 3:4 ပူးပေါင်းရင်းမြစ်များ

Amainhama 3:13

Musengwa Katonda yaabuuza omukazi ati: “Kiki kino ky'okoze?” Omukazi yairamu ati: “Omusota n'ogunkemenkereiza naalya.”

Amainhama 3:3

okutoolaku ebyo eby'oku muti oguli ghagati mu nimiro. Katonda yatukoba obutalyanga kibala kya ku muti ogwo, oba waire okugugemaku; ati lwe tulikiryaku lwe tulifa.”

2 Bakyabazinga 1:16

Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Bakyabazinga 1:4

Kale ni mukobe kyabazinga muti, Musengwa Katonda akoba ati toidha kuwona ove ku buliri okwo kw'oli, oli wa kufa.’ ” Kale Eliya yaaja.

2 Bakyabazinga 1:6

Baamwiramu bati: “Omusaadha aidhie, yaatukoba ati, ‘Mwireyo ye kyabazinga abatumye, mumukobe muti Musengwa Katonda akoba ati, obwo oli kutuma abakwenda okuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda? Kale ni toidha kuwona ove ku buliri okwo kw'oli, oli wa kufa.’ ”

2 Bakyabazinga 8:10

Elisha yaamwiramu ati: “Iwe ja omukobe oti, ‘Bwenebwene oidha kuwona.’ Aye mu butuufu nze Musengwa Katonda andholeike ng'aidha kufa.”

2 Ebyomubyanda 18:21

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

2 Ab'e Korintho 2:11

Olwo Sitaani alobe kutuzingiza, kuba twidhi entegeka ye yoonayoona.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

1 Timotheo 2:14

Era Adamu ti n'eyasendebwasendebwa, aye omukazi n'eyasendebwasendebwa, n'agwa mu kibi.