Amainhama 3:19 - Baibuli Ekibono kya Katonda 2014

¹⁹ Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Amainhama 3:19 ပူးပေါင်းရင်းမြစ်များ

Amainhama 18:27

Aburahamu yaayogera kabiri ati: “Wo Musengwa, nsonigha okukana ni ndhogera n'iwe ntyo, ate nga nze ndi nkungu bukungu era eivu obuvu.

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 23:4

“Nze ndi wa ndha mu imwe era omusenze. Munganhe nfune ekifo mu nsi yaimwe, eky'okuziikamu mukazi wange afiire.”

Amainhama 3:18

Eitaka eryo liidha kumerangaku amawa n'ebindi ebikufumita; era oidha kulyanga ebimera eby'omu nsiko.

Amainhama 5:5

yaafa ng'agheza emyaka lwenda n'asatu (930) egy'obukulu.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 10:9

Idhukira nga wampumba mu itosi. Onandhizaayo wanfuula enkungu kabiri?

Yobu 19:26

Ndibona Katonda nga ndi n'omubiri, waire ng'endwaire egumazeegho.

Yobu 21:26

Aye boonaboona baba bafiire, enhengere dhaabaidhula.”

Yobu 34:15

kiisi kiramu kyandizikiriire, abantu baira mu nkungu.”

Yobu 4:19

memale obwo waalowooza oti aneesiga abantu abakolebwa mu itaka, abali ng'oti nkungu era b'asobola n'okuniantula ng'oti bisiisa.

Zabbuli 103:14

Aidhi bwe twawumbibwa; aidhukira nga tuli nkungu.

Zabbuli 104:23

Abantu baaja ku mirimo gyaibwe, era baatakabana okutuusa bwebuziba.

Zabbuli 104:29

Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Zabbuli 22:29

Bwenebwene abo boonaboona ab'oku nsi abeekudumbaza, n'abo boonaboona abantu obuntu abafa, balyeyala mu maiso ge nga kw'otaire na kiisi muntu atasobola kwekuuma mwene nga mulamu.

Zabbuli 90:3

Iwe oizaayo omuntu mu nkungu mwe yakolebwa, ng'olagira oti: “Omwana w'omuntu irayo ye wava.”

Ensambo 21:16

Omuntu adaaliima n'awaamu amagezi, alyeyagaana ng'ali mu bafu.

Omulangirizi 1:13

Neeghaayo n'amagezi gange, naanoonereza era naayagaaza byonabyona ebikolebwa ku nsi. Naabona ng'ebyo byonabyona, n'omulimo omukalangufu ogutasanhusa naire, Katonda gwe yagha abaana ab'abantu okwetawulamu.

Omulangirizi 1:3

Magoba ki omuntu g'afuna mu kufaabiikana kwe kwonakwona, kw'afaabiikanira ku nsi?

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 3:20

Ekifo abantu ye baja, n'ensolo ye dhija: bava mu nkungu era kabiri baira mu nkungu, n'ensolo dhityo.

Omulangirizi 5:15

Nga bwe yava mu nda ya inhina ng'ali bwereere, era atyo bw'aja okuva ku nsi. Ghazira ky'alitwala ku ebyo bye yafaabiikanira.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

1 Ab'e Korintho 15:47

Adamu eyasooka yava mu itaka, era yakolebwa mu nkungu: Adamu owokubiri yava mu igulu.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

1 Ab'e Thessalonika 2:9

Aboluganda, mwidhukira bwe twakolanga nga tufaabiikana omusana n'obwire, tulobe kukaluubiriza muntu yeenayeena ku imwe nga tubakobera Amawulire Amalungi aga Katonda.

2 Ab'e Thessalonika 3:10

Ate ni bwe twali n'imwe twabagha ekiragiro kino tuti: “Oba ng'ole tayenda kukola, n'okulya alekere.”

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,