Amainhama 3:17 - Baibuli Ekibono kya Katonda 2014

¹⁷ Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 3:17 ပူးပေါင်းရင်းမြစ်များ

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

Amainhama 3:18

Eitaka eryo liidha kumerangaku amawa n'ebindi ebikufumita; era oidha kulyanga ebimera eby'omu nsiko.

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 5:29

Yaamutuuma eriina Noa. Yaakoba ati: “Ono n'alitwizaamu amaani mu kugezimula n'okufaabiikana kwaife, ng'akozesa eitaka lyene eryo Musengwa Katonda lye yakolima.”

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 21:17

“Entaala ey'ababi yaali ezikiziibwaku? Akabi kaali kabatuuseeku? Era Katonda yaali ababonereizaaku mu busungu:

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Omulangirizi 2:11

Agho naalowooza ku bintu byonabyona bye nakola, n'okufaabiikana kwange nga mbikola, naabona nga byonabyona muzira muganhulo, nga kiri ng'oti kubinga mpewo ogigeme. Mu butuufu ghazira kintu kiri na mugaso ku nsi.

Omulangirizi 2:17

Kale naakyagha obulamu, kuba kiisi ekikolebwa ku nsi kiinumya bulumye. Byonabyona biziramu muganhulo, biri ng'oti kubinga mpewo ogigeme.

Omulangirizi 5:17

Yaamala enaku dhe dhoonadhoona ng'aliira mu nzikiiza, ng'ali mu bulumi, ni mu bweraliikirivu, era nga munakughavu.

Matayo 22:12

Yaamukoba ati, ‘Muna, ongire otya muno ng'ozira kivaalo kya ku mbaga?’ Ole yaabuudhaala bubuudhaale.

Matayo 25:45

“Agho alibairamu ati, ‘Bwenebwene ka mbakobere buli lwe mutaalaadha omulala ku bato bano timwalaadha nze.’

Luka 19:22

Yaamukoba ati, ‘Omugheereza omubi iwe, by'oyogeire kwe nnaasinziira okukusalira omusango. Wamanha oti ndi muzibu, ntwala ebitali byange, naakungula bye ntaasiga

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Abaheburayi 6:8

Aye bwe likuza amawa n'eisubi, liba tirikaagasa era nga liri kumpi kulaamibwa na kuzikirizibwa na muliro.