Amainhama 3:15 - Baibuli Ekibono kya Katonda 2014

¹⁵ Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Amainhama 3:15 ပူးပေါင်းရင်းမြစ်များ

Amainhama 49:17

Dani aidha kubanga musota ogw'obusagwa ku ngira, ogumoodha embalaasi ebibbonge, ole agityaimeku n'awanuka n'agwa.

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Isaia 53:12

Kye ndiva ni mmugha omugabo aghalala n'abakologho, yaagabana omunhago aghalala n'ab'amaani; kuba yaaghaayo obulamu bwe yaitibwa, yaabalirwa mu bamenhi ab'amateeka. Aye ate yaaba nga yeetwika ebibi eby'abantu kamaala, era yaabasabira ekisonigho.”

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Mika 5:3

Kale Musengwa Katonda aja kulekulira agho abantu be Abaisiraeli okumala entangama, okutuusa omukazi ali kulumwa okuzaala lw'alizaala omufuzi oyo. Olwo Baisiraeli baine baja kwira okuva mu bunhage, beeyimbe ku baganda baibwe abaasigala.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 1:25

aye nga ghazira bya bufumbo okutuusa bwe yazaala omwana ow'obulenzi era yaamutuuma eriina Yesu.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 13:38

enimiro n'ensi, ensigo enungi n'abaana ab'Obwakyabazinga, ate eisubi eibi n'abaana ab'omubi.

Matayo 23:33

“Imwe emisota, abaana ab'emisota egy'obusagwa! Muliwona mutya okusalirwa omusango gwa geyeena?

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?

Mariko 16:18

baligema emisota mu ngalo dhaibwe, era ni bwe balinhwa ekiita kyonakyona tibalibaaku kabi, abalwaire balibaisaaku emikono era baawona.”

Luka 1:76

N'iwe Omwana, olyetebwa mulanzi w'oyo Ali Ghaigulu Yeene; kuba olyembereramu Musengwa waamutegekera engira dhe

Luka 10:19

Muboine! Nabagha obukumu okuniinirira emisota ni siga, n'okughangula amaani goonagoona ag'omuzigu. Ghazira kintu kyonakyona kiribakola kabi.

Luka 22:53

Nabanga n'imwe mu isinzizo buli lunaku, timwangema. Aye eno n'esaawa yaimwe era amaani ag'enzikiiza gali kukola.”

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

Ebikolwa by'Abatume 13:10

yaamukoba ati: “Iwe omwana wa Sitaani! Iwe aidhwire obuguya n'obukupankupania, omuzigu w'obutuukirivu bwonabwona! Tolirekera kugodagoda magira ga Musengwa amatereevu?

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

Ab'e Roma 3:13

Ebibono byaibwe magombe geene. Enimi dhaibwe badhoogeza bya buguya. Ebibono byaibwe bya kabi ng'obusagwa obw'omusota.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Ab'Efeso 4:8

Ebyaghandiikibwa kye biva ni bikoba biti: “Bwe yaniina eyo ghaigulu, yaatwala abanhage kamaala era yaagha abantu ebirabo.”

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

Abaheburayi 2:18

Era mperaano asobola okubeera abo abalebwa, kuba mwene yalebwa era yaadaazibwadaazibwa.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

1 Yoanne 5:5

Naani aghanga okughangula ensi okutoolaku oyo aikiriza nga Yesu Mwana wa Katonda?

Okwolekebwa 12:17

Ogusota gwasungughalira inho omukazi, gwaja okulumba abasigairegho mu izaire lye abo abagema ebiragiro bya Katonda era abadhulira Yesu.

Okwolekebwa 13:7

Era kyaikirizibwa okutanula olutalo ku batuukirivu era n'okubaghangula, era kyagheebwa obuyinza ku bika byonabyona, ni ku nse dhoonadhoona, ni ku nnimi dhoonadhoona ni ku maghanga goonagoona.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.