Amainhama 3:12 - Baibuli Ekibono kya Katonda 2014

¹² Omusaadha yairamu ati: “Omukazi ye wampa okubanga ninze n'ampaire ekibala ekyo zeena naalyaku.”

Amainhama 3:12 ပူးပေါင်းရင်းမြစ်များ

Amainhama 2:18

Musengwa Katonda yaakoba ati: “Ti kirungi omuntu okubanga yenka. Ndidha kumukolerayo omubeezi amugwanira.”

Amainhama 2:20

Kale, omuntu yaatuuma ensolo dhoonadhoona n'enhonhi dhoonadhoona amaina, aye ku ebyo byonabyona nga ghazira kyali kigwaine kuba mubeezi wa muntu.

Amainhama 2:22

Yalukolamu omukazi, era yaamuleeta eri omuntu.

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

Yobu 31:33

Tigisangaku ku bantu bibi byange, ng'oti n'abantu bwe bakweka ebintu mu ngoye dhe bavaire.

Ensambo 19:3

Omuntu asobola okukola eby'ekisiru yeereetera mwene okuzikirira, aye yaamala yaasungughalira Musengwa Katonda.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

1 Samueli 15:15

Saulo yaamwiramu ati: “Abalwani bange baadhireeta nga badhitoola ku Bamaleki, kuba baalekaghooku ku ntaama ni ku nte edhisinga bulungi, okudhighaayo eri Musengwa Katonda wo ng'omusengo. Aye ebintu ebindi byonabyona twabizikiriza.”