Amainhama 3:10 - Baibuli Ekibono kya Katonda 2014

¹⁰ Yaamwiramu ati: “Nkuwuliire ng'oli mu nimiro, naatya, kuba mbaire madu kye nviire ni neegisa.”

Amainhama 3:10 ပူးပေါင်းရင်းမြစ်များ

Amainhama 2:25

Omusaadha n'omukazi bombi baali madu, aye nga tibagemwa nsoni.

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

Amainhama 3:7

Olwo amaiso gaibwe bombi gaazibuka, baategeera nga bali madu. Kale baatunga amakaba ag'omuti omutiini, baagakolamu ebivaalo beeghemba.

Yobu 23:15

Kyenva ni ntengera nga ndi gh'ali era ni ntya nga mmulowooziiza.

Yobu 31:33

Tigisangaku ku bantu bibi byange, ng'oti n'abantu bwe bakweka ebintu mu ngoye dhe bavaire.

Zabbuli 119:120

Zeenazeena ndhugumira olw'okukutya; ensala yo ngitya inho.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 20:19

Baakoba Musa bati: “Iwe yogera n'ife twidha kuwulira, aye Katonda atayogera n'ife, kuba tusobola okufa.”

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 32:25

Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Amateeka Agokubiri 5:25

Aye mpegaano lwaki twereeterezaaku okufa? Omuliro guno ogw'amaani gwidha kutusaaniagho. Bwe tunairamu okuwulira amamiro ga Musengwa Katonda waife, twidha kufa.

1 Yoanne 3:20

Buli emyoyo gyaife lwe gitulumiriza, tumanha nga Katonda n'asinga emyoyo gyaife era ng'aidhi buli kintu.

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”