Amainhama 3:1 - Baibuli Ekibono kya Katonda 2014

¹ Omusota gwali gwa lugezigezi okusinga ensolo edh'omu nsiko edhindi dhoonadhoona Musengwa Katonda dhe yakola. Agho gwabuuza omukazi guti: “Obwo bwenebwene Katonda yakoba ati mutalyanga kibala kya ku muti gwa mu nimiro waire omulala guti?”

Amainhama 3:1 ပူးပေါင်းရင်းမြစ်များ

Omulangirizi 4:10

Bwe bagwa, owundi abbeedagho mwine yaamwemereza. Aye ali yenka akagwireku, kuba bw'agwa azira amubbeedagho kumwemereza.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 4:3

Omukemi yaaseeta, yaamukoba ati: “Oba oli Mwana wa Katonda koba amabaale gano gafuuke emigaati.”

Matayo 4:6

yaamukoba ati: “Oba oli Mwana wa Katonda, weesuule ghansi kuba kyaghandiikibwa kiti: ‘Aliragira bamalaika be baakugemerera mu mikono gyaibwe, olobe kwekontola kigere ku ibaale.’ ”

Matayo 4:9

Era yaamukoba ati: “Ebyo byonabyona ndidha kubikugha bwe weeyala ghansi n'onsinza.”

2 Ab'e Korintho 11:14

Era ekyo tikyewuunhisa, kuba ni Sitaani yeefuula okuba malaika ow'obutangaavu.

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

1 Petero 3:7

Mu nsambo n'endala eyo abasaadha mubenga ni bakazi baimwe nga mwidhi muti mu kikula kyaibwe banafu. Mubatengamu ekinhagansi kuba mulifuna nabo obulamu obutawaagho. Mukole mutyo ghabule ekitabulatabula okusaba kwaimwe.

Okwolekebwa 12:15

Ogusota gwafuudha amaadhi, nga gali ng'oti mwiga ganonereze omukazi, gamutwale.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,