Amainhama 29:32 - Baibuli Ekibono kya Katonda 2014

³² Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.”

Amainhama 29:32 ပူးပေါင်းရင်းမြစ်များ

Amainhama 16:11

Kabiri yaamukoba ati: “Buti oli nda, oidha kuzaala omwana mulenzi, omutuume eriina Ishimaeli, kuba Musengwa Katonda awuliire okudaazibwadaazibwa kwo.

Amainhama 29:31

Musengwa Katonda bweyabona nga Yakobo ayenda inho Rakeli okusinga Leeya, yaagha Leeya okuzaala, aye Rakeli yaasigala nga mugumba.

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 35:22

Agho Isiraeli bweyali ng'akaali mu nsi eyo, Reubeni yaaja, yaaba ni Biliha omukazi wa ise ow'embali. Isiraeli yaakimanha. Batabane ba Yakobo baali ikumi na babiri.

Amainhama 35:23

Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 42:22

Reubeni yaabakoba ati: “Nze tinabakoba nti omwana mutamukolaku kabi, aye imwe ni muloba kuwulira? Mpegaano kye tuva tuli kubonerezebwa olw'okufa kwe.”

Amainhama 42:27

Bwe baatuuka agh'okusula, owundi yaasibula ensawo ye okugha endogoyi ye eby'okulya, yaabona empiiya dhe nga dhiri ku munwa gw'ensawo ye.

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

1 Ebyomubyanda 5:1

Bano n'abaana n'abaidhukulu aba Reubeni omwana omuberi owa Isiraeli. Aye waire nga Reubeni oyo n'eyali omwana omuberi, omugabo gwe ogw'omwana omuberi baagumutoolaku, baagugha abaana ba Yosefu muganda we kuba Reubeni oyo yaba n'owundi ku baka lata we Yakobo mu buliri. Kale mu lukalala olw'obuzaale tiyaghandiikibwa ghe yandibaire ng'omwana omuberi.

Zabbuli 106:44

Aye waire nga beebisa batyo, tiyabatoolaku mwoyo. Bwebaalira yabafaaku.

Zabbuli 25:18

Lingirira okudaazibwadaazibwa kwange n'obuzibu bwe ndimu, onsonighe ebibi byange byonabyona.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

Ezekieli 48:6

Ekika kya Reubeni kyona kirifuna omugabo mulala nga gwa kiketezo ekigabana ensalosalo endala n'ekiketezo eky'ekika kya Efuraimu. Nga kyona kiva ku nsalosalo ey'e buvandhuba kyatuuka ku y'e bugwandhuba.

Okubala 1:5

Gano n'amaina ag'abantu abo be muja okukola nabo: Ow'omu kika eky'Abareubeni, ni Elizuri mutabane wa Shedeura.

Luka 1:25

ng'akoba ati: “Musengwa ati bw'ankoze, mu nnaku dh'aboine yamponia okuswala kwe mbaire nakwo mu bantu!”

Amateeka Agokubiri 26:7

Agho twalirira Musengwa Katonda, Katonda wa badhaadha baife, yaawulira okulira kwaife. Yaabona Abamisiri bwe baatudaazadaaza nga batukooya era nga batukiriga.

Amateeka Agokubiri 27:13

Ate ab'ebika bino n'abalyemerera ku lusozi Ebali okukolima: ekika ekya Reubeni, n'ekya Gadi, n'ekya Ashera, n'ekya Zebuluni, n'ekya Dani, n'ekya Nafutali.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 1:20

Hanna oyo yaatoola enda, yaazaala omwana mulenzi, yaamutuuma eriina Samueli, kuba yakoba ati: “Namusaba Musengwa Katonda”.