Amainhama 29:31 - Baibuli Ekibono kya Katonda 2014

³¹ Musengwa Katonda bweyabona nga Yakobo ayenda inho Rakeli okusinga Leeya, yaagha Leeya okuzaala, aye Rakeli yaasigala nga mugumba.

Amainhama 29:31 ပူးပေါင်းရင်းမြစ်များ

Amainhama 11:30

Sarai yaaba mugumba ng'aziraku mwana.

Amainhama 16:1

Sarai muka Aburamu, yali tazaire mwana naire. Aye yali n'omwiru omukazi Omumisiri, ng'ayetebwa Hagari.

Amainhama 20:18

Kuba Musengwa Katonda yali ng'asibye abakazi boonaboona ab'omu ndhu y'Abimeleki okuzaala, olwa Sara muka Aburahamu.

Amainhama 25:21

Isaaka yaasabira mukazi we, eyali omugumba. Musengwa Katonda yairamu okusaba kwe, Rebekka yaatoola enda.

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 29:30

Yakobo yaaba ni Rakeli yeena era yaamwenda inho okusinga Leeya. Agho Yakobo yaakolera Labani okumala emyaka egindi musanvu.

Amainhama 29:32

Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.”

Amainhama 30:22

Agho Katonda yaidhukira Rakeli, yaawulira okusaba kwe, yaamugha okuzaala.

Amainhama 35:23

Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Zabbuli 127:3

Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Malaki 1:3

Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Luka 1:7

Aye baali baziraku mwana, kuba Elisabethi yali mugumba, era nga bombi emyaka gyali gibawoireku.

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.

Yoanne 12:25

Oyo yeenayeena agonza obulamu bwe abufiirwa. Aye oyo akyagha obulamu bwe mu nsi muno abusigaza okutuuka mu bulamu obutawaagho.

Ebikolwa by'Abatume 7:8

Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.

Amateeka Agokubiri 21:15

“Omusaadha asobola okuba ni bakazi be babiri, ng'owundi mwende aye ng'owundi munobe. Bombi baamuzaalira abaana abalenzi, aye ng'omwana omulenzi omuberi, n'ow'omukazi omunobe.

Ruthi 4:13

Kale Boazi yaatwala Ruthi ewuwe nga mukazi we. Musengwa Katonda yaamugha enkabi yaatoola enda era yaazaala omwana mulenzi.

1 Samueli 1:20

Hanna oyo yaatoola enda, yaazaala omwana mulenzi, yaamutuuma eriina Samueli, kuba yakoba ati: “Namusaba Musengwa Katonda”.

1 Samueli 1:27

Namusaba omwana ono, era yampa kye namusaba.

1 Samueli 1:5

Aye waire Elukana yagonzanga inho Hanna, yamughanga omugabo mulala gwonka, kuba Musengwa Katonda yamusiba yaaba nga tazaala.

1 Samueli 2:21

Musengwa Katonda yaayongera okugha Hanna enkabi, yaazaala abaana abandi abalenzi basatu n'abaghala babiri. Omulenzi Samueli yaayongera okukula ng'agheereza Musengwa Katonda.