Amainhama 29:27 - Baibuli Ekibono kya Katonda 2014

²⁷ Sooka omaleku enaku omusanvu edh'embaga y'oyo, memale tulikugha owundi, ng'onkoleire kabiri okumala emyaka egindi musanvu.”

Amainhama 29:27 ပူးပေါင်းရင်းမြစ်များ

Amainhama 29:20

Yakobo yaakolera emyaka musanvu afune Rakeli, era gyamubonekera ng'oti nnaku bunaku entono dhiti, olw'okumwenda okungi kwe yali nakwo.

Amainhama 29:26

Labani yairamu ati: “Tikikolebwa mu nsi yaife, okughaayo omuto n'asooka omukulu okubayira.

Amainhama 29:28

Yakobo yaaganha, era enaku omusanvu bwe dhaawaaku, Labani yaamugha mughala we Rakeli okuba mukazi we.

Amainhama 31:41

Mu myaka egyo amakumi abiri gye mbaire mu maka go, nakukolera emyaka ikumi n'ena okufuna baghala bo bombi. Era naakukolera mu byayo byo emyaka mukaaga, aye iwe waakyusakyusa empeera yange emikuzi ikumi.

Abalevi 18:18

Otabayizanga muganda wa mukazi wo n'aba mughalikwa we.

Malaki 2:15

Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

Abalamuzi 14:10

Ise yaaja mu maka g'omughala, era Samusoni yaakolerayo embaga, kuba abaisuka abaabayizanga, batyo bwe baakolanga.

Abalamuzi 14:12

Agho Samusoni yaabakoba ati: “Ka mbaghe ekikoiko. Bwe munaasobola okukiita ng'enaku omusanvu edh'embaga dhikaali kuwaaku, ndidha kubagha engoye empegheevu amakumi asatu, n'ebivaalo eby'oku mbaga amakumi asatu.