Amainhama 28:3 - Baibuli Ekibono kya Katonda 2014

³ Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 28:3 ပူးပေါင်းရင်းမြစ်များ

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 17:20

Era Ishimaeli yeena ndidha kumugha by'osabye: ndidha kumugha enkabi azaale abaana kamaala, era afune n'abaidhukulu kamaala. Aidha kuzaala abalangira ikumi na babiri, era ndidha kumufuulamu eighanga ery'amaani.

Amainhama 24:60

Era baasabira Rebekka enkabi, nga bakoba bati: “Mwanhinaife, banga muzaire wa bantu nkumi na nkumi. Era baidhukulu bo baghangulenga ebibuga by'abazigu baibwe.”

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 27:33

Isaaka yaadhugumira inho, yaabuuza ati: “Ate ole abaire nga naani, eyayiize ensolo, n'andeetera emamba ni ndya, ng'okaali kwidha, era ni mmusabira enkabi? Era bwenebwene aligheebwa enkabi.”

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 41:52

Yaatuuma owokubiri eriina Efuraimu, kuba yakoba ati: “Katonda ampaire abaana mu nsi mwe ndaagiiredaagiire.”

Amainhama 43:14

Katonda Aghanga Ebintu Byonabyona abagemerwe ekivunika nga muli mu maiso g'omusaadha oyo, omusaadha oyo asobole okubairiza muganda waimwe owundi, ni Benjamini. Nze oba ndi wa kufiirwa baana bange, ndibafiirwa.”

Amainhama 48:3

Yaakoba Yosefu ati: “Katonda Aghanga Ebintu Byonabyona yambonekera e Luzi mu nsi y'e Kanaani, yampa enkabi.

Amainhama 48:4

Era yankoba ati, ‘Bona, ndikugha okuzaala abaana kamaala, baidhukulu bo naabafuula amaghanga kamaala. Era ndigha baidhukulu bo ensi eno, yaaba yaibwe ebyanda n'ebyanda.

Amainhama 49:25

Oyo ni Katonda wa lata wo, era n'anaakubeeranga. Oyo n'Aghanga Ebintu Byonabyona, era n'anaakughanga enkabi n'ebirungi ebiva ghaigulu mu igulu, n'ebirungi ebiva ghansi mu itaka, n'enkabi edh'okuzaala abaana n'okwaza ebyayo.

Amainhama 9:1

Katonda yaagha Noa n'abaana be enkabi, yaabakoba ati: “Muzaale, mwale, mwidhuze ensi.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Zabbuli 127:3

Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

2 Ab'e Korintho 6:18

Ndiba lata waimwe, era mwena muliba batabane bange ni baghala bange. Atyo Musengwa Aghanga Ebintu Byonabyona bw'akoba.”

Okwolekebwa 21:22

Mu kibuga ekyo tyabonamu isinzizo, kuba Musengwa Katonda Aghanga Ebintu Byonabyona aghalala n'Entaama Ento, abo nga n'eisinzizo lyakyo.

Ruthi 2:4

Bwe ghaabitaghooku entangama, Boazi mwene yaatuuka ng'ava e Bethelehemu. Yaalamusa abakungula ati: “Musengwa Katonda abe n'imwe.” Baamwiramu bati: “Musengwa Katonda akughe enkabi.”