Amainhama 28:22 - Baibuli Ekibono kya Katonda 2014

²² Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 28:22 ပူးပေါင်းရင်းမြစ်များ

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 14:20

Katonda oyo Ali Ghaigulu Yeene asaakibwenga, oyo akuleeteire okughangula abazigu bo!” Agho Aburamu yaagha Melekizedeki ekintu kirala ku buli ikumi, ku bintu byonabyona ebyali binhagiibwa.

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Amainhama 28:17

Yaatya era yaakoba mule ati: “Ekifo kino nga kitiisa! Kiteekwa okuba nga n'endhu ya Katonda, era nga n'omulyango ogw'eigulu!”

Amainhama 33:20

Yaazimbagho alutaari, yaagituuma eriina Eli Elohe Isiraeli.

Amainhama 35:1

Katonda yaakoba Yakobo ati: “Ja e Betheli, obe eyo, onzimbireyo alutaari nze Katonda eyakubonekera bwe wali ng'oli kulumuka muganda wo Esau.”

Amainhama 35:7

Yaazimba agho alutaari, ekifo ekyo yaakituuma eriina Eli Betheli, kuba agho Katonda ghe yamweyolekera, ng'ali kulumuka muganda we.

Amainhama 47:24

Mu biseera eby'amakungula, munaaghanga kyabazinga ekitundu kirala kirala ku buli bitundu bitaanu eby'engaano. Ebitundu ebina ebisigairegho, n'ebinaabanga ebyaimwe eby'okusiga n'okulya, imwe beene ghalala n'ab'omu maka gaimwe.”

Amainhama 47:26

Kale Yosefu yaataagho eiteeka erikaaligho ni ye buli eno mu Misiri, ery'abantu okughanga kyabazinga ekitundu ekirala ekirala ku buli bitundu ebitaanu eby'amakungula. Eitaka lya bakabona lyonka n'eritaafuuka lya kyabazinga.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?