Amainhama 28:2 - Baibuli Ekibono kya Katonda 2014

² Situkiramu oje e Paddanarama mu maka ga dhaadha wo Bethueli azaala inhoko, ofune eyo omukazi ow'okubayiza ku baghala ba Labani mwanhina inhoko.

Amainhama 28:2 ပူးပေါင်းရင်းမြစ်များ

Amainhama 24:10

Omugheereza yaatwala engamiya ikumi ku dha musengwa we, era yaatwala ebirabo ebirungi ebya buli nsambo okuva ye musengwa we, yaaja e Mesopotamia, mu kibuga kya Nahori.

Amainhama 24:29

Rebekka yali ni mwanhina, ng'eriina lye ni Labani. Labani oyo yaafuluma, yaalumuka okuja ku nsulo aghaali omusaadha.

Amainhama 24:4

Aye oteekwa okuja mu nsi ye nazaalibwamu era mu boluganda lwange, waafunirayo eyo omwana wange Isaaka omukazi.”

Amainhama 24:50

Agho Labani ni Bethueli bairamu bati: “Ekyo kiviire wa Musengwa Katonda. Ife titughanga kubaaku ni kye tusalagho.

Amainhama 25:20

Isaaka bweyagheza emyaka amakumi ana (40) egy'obukulu, yaabayiza mughala wa Bethueli Omuarami ow'e Paddanarama, ayetebwa Rebekka, mwanhina Labani.

Amainhama 28:5

Kale, Isaaka yaasindika Yakobo e Paddanarama ewa Labani. Labani oyo n'eyali mutabane wa Bethueli Omuarami era mwanhina Rebekka, inhina wa Esau ni Yakobo.

Amainhama 29:1

Agho Yakobo yeeyongera okutambula, yaatuuka mu nsi y'abantu ab'e buvandhuba.

Amainhama 31:18

Yaatwala ebyayo bye byonabyona, era n'ebintu byonabyona bye yali afunie mu Paddanarama, yaaja mu nsi ey'e Kanaani ye lata we Isaaka.

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Amainhama 33:18

Agho Yakobo yaava e Paddanarama, yaatuuka bukalamu mu kibuga eky'e Shekemu, ekiri mu nsi y'e Kanaani, yaasimba weema dhe kumpi n'ekibuga.

Amainhama 35:9

Yakobo bweyava mu Paddanarama, Katonda yaamubonekera kabiri, yaamugha enkabi.

Amainhama 46:15

Abo ni batabane ba Leeya, be yazaalira Yakobo mu Paddanarama nga totaireeku mughala we Dina. Eizaire lyonalyona erya Yakobo eryasimuka mu Leeya baali abantu amakumi asatu na basatu.

Hosea 12:12

Yakobo yalumukira mu nsi Aramu, yaatuuka eyo yaayayiranga omuntu entaama, ng'apakasa asobole okufuna omukazi.

Hosea 12:13

Musengwa Katonda yatuma omulanzi, yaaja yaatoola Abaisiraeli mu nsi Misiri era yaabalabirira.