Amainhama 28:19 - Baibuli Ekibono kya Katonda 2014

¹⁹ Yaatuuma ekifo ekyo eriina Betheli. Aye ng'ekibuga ky'eyo mu kusooka kyali kyetebwa Luzi.

Amainhama 28:19 ပူးပေါင်းရင်းမြစ်များ

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 28:11

Yaatuuka mu kifo aghantu yaasula agho, kuba endhuba yali egwire. Yaalambaala agho nga yeeziziike y'omutwe erindi ku mabaale ag'omu kifo ekyo.

Amainhama 31:13

Ninze Katonda eyakubonekera e Betheli, ye wafukira omuzigo ku ibaale ni liba ekiidhukizo. Era ninze Katonda oyo ye wagha obweyamo ku olwo. Mpegaano situka oireyo mu nsi ye wazaalibwamu.’ ”

Amainhama 35:1

Katonda yaakoba Yakobo ati: “Ja e Betheli, obe eyo, onzimbireyo alutaari nze Katonda eyakubonekera bwe wali ng'oli kulumuka muganda wo Esau.”

Amainhama 35:14

Yakobo yaasimba eibaale libe ekiidhukizo mu kifo Katonda mwe yayogerera naye, yaalifukaku ekigheebwayo eky'ebyokunhwa, era n'omuzigo okulitukuza.

Amainhama 35:15

Yakobo yaatuuma ekifo ekyo eriina Betheli.

Amainhama 35:6

Agho Yakobo aghalala n'abantu be boonaboona abaali naye, baatuuka e Luzi, era ekyetebwa Betheli, ekiri mu nsi y'e Kanaani.

Amainhama 35:7

Yaazimba agho alutaari, ekifo ekyo yaakituuma eriina Eli Betheli, kuba agho Katonda ghe yamweyolekera, ng'ali kulumuka muganda we.

Amainhama 48:3

Yaakoba Yosefu ati: “Katonda Aghanga Ebintu Byonabyona yambonekera e Luzi mu nsi y'e Kanaani, yampa enkabi.

1 Bakyabazinga 12:29

Agho yaata ekifaananie eky'ente ento ekindi mu Betheli, n'ekindi yaakita mu Dani.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Ebyomubyanda 13:19

Abiya yaabingirira Yeroboamu, yaamunhagaku ebibuga bino: Betheli, ni Yeshana, ni Efuroni, ghalala n'ebyalo ebyali bibiriiraine.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Yoshua 16:2

Yaava e Betheli yaaja e Luzi, era yeeyongerayo okutuuka e Atarothi Addari, ekiketezo eky'Abaraki.

Yoshua 18:13

Yaava agho ku luuyi olw'omukono omusaadha ng'olingiriire e buvandhuba yaatuuka ku kibuga Luzi, ekyo nga ni Betheli, agho yaaserengeta yaatuuka ku kibuga Atarothi Addari ekiri ku lusozi oluli ku luuyi lwene olwo olw'ekibuga Bethi Horoni Ekyeifo.

Yoshua 8:12

Yoshua yaalagira abasaadha ng'enkumi itaanu (5,000) baabwama e bugwandhuba ow'ekibuga Ayi ku luuyi lwakyo oluliku ekibuga Betheli.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

1 Samueli 10:3

Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.

1 Samueli 7:16

Buli mwaka yaajanga mu ngobo e Betheli, e Giligali, n'e Mizipa, yaalamuliranga Abaisiraeli mu bifo ebyo.