Amainhama 28:18 - Baibuli Ekibono kya Katonda 2014

¹⁸ Yakobo yaasituka ku nkyo, yaatoola eibaale lye yeezizika y'omutwe, yaalisimbagho yaalifukaku omuzigo libe ekiidhukizo.

Amainhama 28:18 ပူးပေါင်းရင်းမြစ်များ

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

Amainhama 28:11

Yaatuuka mu kifo aghantu yaasula agho, kuba endhuba yali egwire. Yaalambaala agho nga yeeziziike y'omutwe erindi ku mabaale ag'omu kifo ekyo.

Amainhama 31:13

Ninze Katonda eyakubonekera e Betheli, ye wafukira omuzigo ku ibaale ni liba ekiidhukizo. Era ninze Katonda oyo ye wagha obweyamo ku olwo. Mpegaano situka oireyo mu nsi ye wazaalibwamu.’ ”

Amainhama 31:45

Agho Yakobo yaatoola eibaale, yalisimbagho libe ekiidhukizo.

Amainhama 35:14

Yakobo yaasimba eibaale libe ekiidhukizo mu kifo Katonda mwe yayogerera naye, yaalifukaku ekigheebwayo eky'ebyokunhwa, era n'omuzigo okulitukuza.

Amainhama 35:20

Yakobo yaasimba eibaale ku magombe ge libe ekiidhukizo. Eibaale eryo n'eryoleka amagombe ga Rakeli okutuusa ni ye buli eno.

2 Samueli 18:18

Abusalomu ng'akaali mulamu yeezimbira empango mu Kiiko kya Kyabazinga, ng'akoba ati: “Nziraku mwana mulenzi ye banaidhukirirangaku eriina lyange.” Kale empango eyo yaagituuma eriina lye, era ni ye buli eno eyetebwa Ekiidhukizo kya Abusalomu.

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Isaia 19:19

Olunaku olwo bwe lulituuka, mu nsi Misiri balizimbamu alutaari yaaba ya Musengwa Katonda, ni ku nsalosalo y'ensi eyo balimuzimbirayo empango ey'amabaale.

Okubala 7:1

Olunaku Musa lwe yamaliriza okusimba Weema ey'Okwagaananirangamu ni Musengwa Katonda, yagifukaku omuzigo yaagyawula okuba eya Musengwa Katonda aghalala n'ebintu byamu byonabyona. Era yaafuka ku alutaari omuzigo, yoona yaagyawula okuba eya Musengwa Katonda aghalala n'ebintu ebikozesebwaku byonabyona.

Yoshua 4:9

Yoshua era yaaja ghagati mu mwiga Yorudani, mu kifo bakabona ghe baayemerera nga babbeedie Sanduuku y'Endagaano, yaasimbagho amabaale ikumi n'abiri amabaale ago gakaaligho ni ye buli eno.

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”