Amainhama 28:16 - Baibuli Ekibono kya Katonda 2014

¹⁶ Yakobo yaazuuka mu ndoolo, yaakoba mule ati: “Bwenebwene Musengwa Katonda ali mu kifo kino! Aye nze mbaire tiidhi!”

Amainhama 28:16 ပူးပေါင်းရင်းမြစ်များ

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

Yobu 33:14

Ekituufu kiri nti Katonda ayogera mu nsambo eno oba ere, aye ng'abantu tibeeteerayo mwoyo ku ky'akoba.

Yobu 9:11

Bwenebwene ambitaku, naaloba kumubona aja, aye naaloba kutegeera ng'abiseegho.

Zabbuli 139:7

Katyo gha ye nsobola okuja ni nkuvaaku? Era nsobola kulumukira gha y'otali?

Zabbuli 68:35

Katonda ng'ali mu kifo kye ekitukuvu atiisa, Katonda oyo owa Isiraeli agha abantu be amaani n'obukumu. Katonda oyo asaakibwe!

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 3:4

Musengwa Katonda bweyabona nga Musa ali kuseeta, yaamwetera ghagati mu kisaka ekyo ati: “Musa, Musa.” Musa yaavugira ati: “Ndi ghano.”

Okuvaayo 3:5

Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Isaia 8:13

Mumanhe nga nze Musengwa Katonda Afuga Amagye ndi mutukuvu. Ninze ye mube mutyenga era mumpenga ekitiisa.

Yeremia 31:26

Agho abantu balikobanga bati, ‘Najiire naatenduka, era nzuuse nga ndhizeemu amaani.’

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Yoshua 5:13

Yoshua bweyali ng'akaali agho okumpi n'e Yeriko, yaja okulinga ati, ng'abona omusaadha ng'amwemereire mu maiso, era ng'agemye empiima. Yoshua yaaja y'ali, yaamubuuza ati: “Oli ku luuyi lwaife oba lwa bazigu baife?”

Yoshua 5:15

Ole aduumira eigye lya Musengwa Katonda yaakoba Yoshua ati: “Toolamu engaito, kuba ghano gh'oli, oli mu kifo kitukuvu.” Yoshua yaatoolamu engaito.