Amainhama 28:15 - Baibuli Ekibono kya Katonda 2014

¹⁵ Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 28:15 ပူးပေါင်းရင်းမြစ်များ

Amainhama 21:20

Katonda yaaba ku mwisuka oyo, yaaja ng'akula, era ng'aba mu irungu, era yaafuuka muyiizi atawunhikamu.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 30:25

Rakeli ng'amaze okuzaala Yosefu, Yakobo yaakoba Labani ati: “Nsiibula ndhireyo eka mu nsi ey'ewaife.

Amainhama 31:13

Ninze Katonda eyakubonekera e Betheli, ye wafukira omuzigo ku ibaale ni liba ekiidhukizo. Era ninze Katonda oyo ye wagha obweyamo ku olwo. Mpegaano situka oireyo mu nsi ye wazaalibwamu.’ ”

Amainhama 31:3

Agho Musengwa Katonda yaakoba Yakobo ati: “Irayo mu nsi ya badhaadha bo, era y'aboluganda lwo. Ndidha kubanga n'iwe.”

Amainhama 31:5

Yabakoba ati: “Mboine nga iseimwe takansagaalira nga bweyakolanga eira. Aye Katonda wa lata wange abairenga ninze buliidho.

Amainhama 32:9

Agho Yakobo yaasaba ati: “Wo Katonda wa dhaadha wange Aburahamu, era Katonda wa lata wange Isaaka, wulira okusaba kwange! Wo Musengwa Katonda, niiwe eyankoba oti, ‘Irayo mu nsi ey'ewaimwe ni y'aboluganda lwo, ndidha kukugha buli kintu okukujiiranga obukalamu.’ ”

Amainhama 35:3

Mukole tuje e Betheli, eyo ye nja okuzimbira Katonda alutaari, kuba yawuliranga okusaba kwange yantoola mu buzibu, era yaabanga ghalala ninze kiisi ghe najanga.”

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

Amainhama 46:4

Ndidha kuja n'iwe e Misiri, era ndiiza baidhukulu bo mu nsi eno. Era bw'olifa Yosefu aliba ng'aligho yaakuziika.”

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Amainhama 48:21

Agho Isiraeli yaakoba Yosefu ati: “Bona, ndi kumpi kufa, aye Katonda aidha kubanga n'imwe, era alibaizaayo mu nsi ya badhaadha baimwe.

1 Bakyabazinga 8:57

Musengwa Katonda waife abenga ghalala n'ife, nga bwe yabanga aghalala ni badhaadha baife, era alobenga kutuvaaku waire okutulekulira agho.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 91:11

kuba aliragira bamalaika be baakulabirira, nga baakukuuma buli gh'oja.

Okuvaayo 13:11

“Musengwa Katonda bw'alibatuusa mu nsi ey'Abakanaani nga bweyalayirira imwe ni badhaadha baimwe, n'agibagha,

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 16:15

Aye mulayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire kuba nja kubaiza mu nsi yaibwe ye nagha badhaadha baibwe. Nze Musengwa Katonda, ninze nkobye.”

Abalevi 26:42

olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Abalevi 26:45

Ndidha kwizangagho buyaaka endagaano ye nakola ni badhaadha baibwe, bwe nayoleka amaghanga goonagoona obuyinza bwange nga mbatoola mu Misiri, nze Musengwa Katonda mbenga Katonda waibwe.”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Okubala 6:24

“Musengwa Katonda akughenga enkabi era akukuumenga;

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 24:35

Eigulu n'ensi biriwaagho aye ebibono byange tibiriwaagho.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Abalamuzi 6:16

Musengwa Katonda yaamwiramu ati: “Ndidha kuba ghalala n'iwe, era oidha kughangula Abamidia ng'oti n'ali kughangula omuntu omulala ati.”