Amainhama 27:41 - Baibuli Ekibono kya Katonda 2014

⁴¹ Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 27:41 ပူးပေါင်းရင်းမြစ်များ

Amainhama 27:42

Aye Rebekka bweyawulira ebyo Esau omwana we omukulu bye yali ali kutegeka okukola, yaayesa Yakobo omwana we omuto, yaamukoba ati: “Bona, muganda wo ali kutegeka okukwita yeemale ekiruyi.

Amainhama 32:11

Nkweghembye mponia muganda wange Esau, kuba mmutya; asobola okwidha yaatwita twenatwena, era yaatwalizaamu n'abakazi n'abaana.

Amainhama 32:3

Agho Yakobo yaatuma abakwenda bamukulemberemu, baje ye muganda we Esau mu kiketezo eky'e Seiri, mu nsi ey'Edomu.

Amainhama 32:6

Abakwenda bwe baira eri Yakobo, baakoba bati: “Twaja ye muganda wo Esau, era ali mu ngira ali kwidha okukwagaana. Ali kwidha n'abasaadha ebikumi bina.”

Amainhama 35:29

yaafa ng'akairiighe inho, yaatwalibwa eri badhaadha be. Batabane be, Esau ni Yakobo, baamuziika.

Amainhama 37:18

Baamulengera ng'akaali ghalaku, era bweyali ng'akaali kubatuukaku beeteesa okumwita.

Amainhama 37:4

Aye baganda ba Yosefu bwe baabona nga iseibwe amwenda okusinga beene bw'abenda, baamukyagha nga tibenda na kwogera naye bya bulungi.

Amainhama 37:8

Baganda be baamubuuza bati: “Olowooza oti iwe olifuuka kyabazinga waife, era waatufuga?” Kale beeyongera okumukyayira irala olw'ebirooto bye, n'olw'ebibono bye.

Amainhama 50:15

Baganda ba Yosefu bwe baabona nga iseibwe amaze okufa, baakoba bati: “Tomanha Yosefu bw'atukyagha, ni yeesasuuza olw'ebibi bye twamukola!”

Amainhama 50:2

Yosefu yaalagira abagheereza be abayigha, okukaza omulambo gwa ise gulobe kuvunda. Abayigha baakola nga Yosefu bweyalagira.

2 Ebyomubyanda 35:24

Kale abagheereza be baamutoola mu kigaali kye eky'omu lutalo kye yalimu, baamwiza mu kigaali kye ekindi eky'omu lutalo, olwo baamutwala e Yerusalemu. Yaafiira eyo era baamuziika mu lwambiidhi lwa badhaadha be. Abantu boonaboona ab'omu Buyudaaya n'ab'omu Yerusalemu baamulira.

Zabbuli 142:3

Amaani bwe gampwamu, ankuuma yandabirira. Mu ngira mwe mbita, abazigu bange batezeemu omutego okungemya.

Zabbuli 35:14

ng'oti nsabira mukagwa wange oba muganda wange. Naatambula n'amakono ku mutwe ng'oti n'alira inhina.

Zabbuli 37:16

Akantu akatono omuntu omutuufu k'ali nako, kasinga ekyodoodo ky'ebyo ababi abangi bye baba nabyo;

Ensambo 1:16

kuba banguyiriza inho okukola ebibi, era okwita kubanguyira inho.

Ensambo 18:19

Bw'oyamba owoluganda, akukuuma ng'oti n'ekimante ekigumu ekyezungulwire ekibuga, aye bw'osoola naye takuganha kuja y'ali, ku ndhigi ataaku bwa minhololo.

Ensambo 6:14

Buli kiseera ategeka okukola ebibi mu mwoyo gwe ogwakiidhama eira, era yaasiikuulira baine ebizibu.

Omulangirizi 7:9

Otayanguyirizanga kusungughala, kuba mu mwoyo ogw'omusiru mwidhula busungu bwereere.

Ezekieli 35:5

Wali n'enzigu ku Baisiraeli ey'olubeerera, wabaghaayo okwitibwa mu lutalo mu kiseera kye baabeera mu kabi, ekiseera eky'okubonerezebwa kwaibwe okusembayo.

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.