Amainhama 27:29 - Baibuli Ekibono kya Katonda 2014

²⁹ Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

Amainhama 27:29 ပူးပေါင်းရင်းမြစ်များ

Amainhama 12:3

“Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Amainhama 25:33

Yakobo yaakoba ati: “Layira memale.” Esau yaalayira, yaagha Yakobo obukulu bwe.

Amainhama 27:30

Isaaka bweyali nga yaakamala okusabira Yakobo enkabi, era nga Yakobo akaali na kuva ghali lata we, muganda we Esau yaingira ng'ava okuyiiga.

Amainhama 27:37

Isaaka yairamu ati: “Mmufiire musengwa wo, era mmughaire baganda be boonaboona babenga bagheereza be, era naamugha engaano n'omwenge ogw'emizabbibu. Kale kiki kye naakukolera iwe, mwana wange.”

Amainhama 27:40

Oidha kufunanga eky'okulya ng'okozesa mpiima yo, era oidha kubanga mugheereza wa muganda wo. Aye bw'olimulwanisa n'omughangula, oliwona okufugibwa kwe.”

Amainhama 37:10

Bwe yamala okukikobera baganda be, yaakoberaku ni ise. Aye ise yaamunenia ati: “Kirooto ki kino kye waloose? Mbo bwenebwene nze n'inhoko ni baganda bo tuliidha twakukubira amakiryaivu?”

Amainhama 37:7

Twabaire tuli kusiba ebinhwa by'engaano mu nimiro, okuja okubona ng'ekinhwa ekyange kisituka nga kyesimba. Agho ebinhwa ebyaimwe byaidha byezungulula ekyange era byakikubira amakiryaivu.”

Amainhama 9:27

Katonda agaziye ekiketezo kya Yafethi, babenga ghalala ni Shemu; Kanaani abenga mwiru we.”

1 Bakyabazinga 22:47

Mu kiseera ekyo, ensi Edomu tiyali na kyabazinga, aye musigire n'eyagifuganga, nga kyabazinga wa Buyudaaya n'amutaagho.

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

1 Ebyomubyanda 5:2

Mu butuufu, waire nga Yuda yafuuka ow'amaani mu baganda be boonaboona, era waire nga mu kika kye mwavaamu omukulembeze, aye era obukulu obw'okuzaalibwa bwasigala nga bwa Yosefu.

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Okubala 23:8

Nnaakolimira ntya oyo Katonda y'atakolimiire? Nnaavumirira ntya oyo Musengwa y'atavumiriire?

Okubala 24:18

Alighangula abazigu be mu Edomu, yeiriza ensi yaibwe Seiri, eno ng'Abaisiraeli bwe beeyongera okuba abaghanguzi.

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 25:45

“Agho alibairamu ati, ‘Bwenebwene ka mbakobere buli lwe mutaalaadha omulala ku bato bano timwalaadha nze.’

Ab'e Roma 9:12

yaakoba Rebekka ati: “Omukulu aligheereza omuto.” Kino kyali kityo okukakasa nti Katonda alonda y'aba ayese nga tajiira ku bikolwa bya bantu.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”