Amainhama 26:3 - Baibuli Ekibono kya Katonda 2014

³ Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 26:3 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 13:17

Mpegaano ja ng'otambula, obone obuleeyi n'obunene obw'ensi, kuba ndidha kugikugha.”

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 17:19

Aye Katonda yairamu ati: “Busa. Mukazi wo Sara aidha kukuzaalira omwana mulenzi, iwe omutuume eriina Isaaka. Ndidha kukola naye endagaano yange etakoma, era ni baidhukulu be abalimwiririra.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 20:1

Aburahamu yaava e Mamure, yaaja ng'ayolekeire ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, yaasenga ghagati gha Kadeshi ni Shuri yaamala entangama ng'ali mu Gerari.

Amainhama 25:11

Aburahamu bweyamala okufa, Katonda yaagha Isaaka enkabi. Isaaka yaabanga kumpi ni Beerilahairoi.

Amainhama 26:12

Agho Isaaka yaasiga ensigo mu nsi eyo, yaakungulamu emikuzi kikumi ku bye yasiga mu mwaka ogwo gwene, kuba Musengwa Katonda yamugha enkabi.

Amainhama 26:14

Yali n'engo edh'ente, n'entaama, n'embuzi, era n'abagheereza kamaala. Kino kyaleetera Abafilisiti okumugemerwa ensaalwa.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 31:3

Agho Musengwa Katonda yaakoba Yakobo ati: “Irayo mu nsi ya badhaadha bo, era y'aboluganda lwo. Ndidha kubanga n'iwe.”

Amainhama 35:12

Era ensi ye nagha Aburahamu ni Isaaka, ndigikugha iwe, naagigha ni baidhukulu bo abaliiragho.”

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

Amainhama 48:21

Agho Isiraeli yaakoba Yosefu ati: “Bona, ndi kumpi kufa, aye Katonda aidha kubanga n'imwe, era alibaizaayo mu nsi ya badhaadha baimwe.

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

1 Ebyomubyanda 16:16

Akuuma endagaano ye yakola ni Aburahamu, n'ekisuubizo kye yasuubiza Isaaka nga yeerayirira.

Zabbuli 105:8

Akuuma endagaano ebyanda n'ebyanda, yaagumira ku bye yasuubiza ni bweghabitagho ense olukumi.

Zabbuli 105:9

Akuuma endagaano ye yakola ni Aburahamu, n'ekisuubizo kye yasuubiza Isaaka nga yeerayirira.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 34:4

Agho Musengwa Katonda yaakoba Musa ati: “Eyo n'ensi ye nasuubiza Aburahamu, ni Isaaka, ni Yakobo, nti ndigigha baidhukulu baibwe. Nkuganhie waagibonaku bubone, aye toidha kusomoka kujaayo.”

Ab'e Filippi 4:9

Era mukolenga ebyo bye nabeegeresa, era ni bye nabagemya mu bibono byange era ni mu bye nakolanga. Era Katonda mwene kugha miraala aidha kubanga n'imwe.

Abaheburayi 11:9

Era okwikiriza n'okwamusobozesa okuba ng'omuvaghala mu nsi eyamusuubizibwa. Yaasulanga mu ntindi ni Isaaka, ni Yakobo, boona abaasuubizibwa.

Abaheburayi 6:17

Kale Katonda bwe yayenda akakase bye yasuubiza, kye yava n'alayira. Yayenda okukakalisa irala abo abalifuna ebyasuubizibwa ati ebyasuubizibwa talibikyusa.