Amainhama 26:25 - Baibuli Ekibono kya Katonda 2014

²⁵ Kale, Isaaka yaazimba eyo alutaari, yaasinza Musengwa Katonda. Yaazimbayo weema ye, era abagheereza be baasimayo ensulo.

Amainhama 26:25 ပူးပေါင်းရင်းမြစ်များ

Amainhama 13:18

Kale Aburamu yaazimbulagho weema ye, yaaja yaasenga kumpi n'emiti gya Mamure mu Heburoni era eyo yaazimbirayo Musengwa Katonda alutaari.

Amainhama 13:4

Ekyo n'ekifo Aburamu kye yali amaze okuzimbamu alutaari mu kusooka. Agho yaasinza Musengwa Katonda.

Amainhama 22:9

Bwe baatuuka mu kifo Katonda kye yali amaze okumukoberaku, Aburahamu yaazimba agho alutaari, yaayaliiraku enku. Agho yaasiba omwana we Isaaka yaamuta ku nku ku alutaari.

Amainhama 26:32

Ku lunaku lwene olwo, abagheereza ba Isaaka baidha, baamukoberaku ku nsulo ye baali nga basimye, baakoba bati: “Tuzwire amaadhi.”

Amainhama 33:20

Yaazimbagho alutaari, yaagituuma eriina Eli Elohe Isiraeli.

Amainhama 35:1

Katonda yaakoba Yakobo ati: “Ja e Betheli, obe eyo, onzimbireyo alutaari nze Katonda eyakubonekera bwe wali ng'oli kulumuka muganda wo Esau.”

Amainhama 4:26

Sethi yeena yaazaala omwana mulenzi, yaamutuuma eriina Enoshi. Mu biseera ebyo abantu mwe baasookera okusabanga Musengwa Katonda mu liina lye.

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

Zabbuli 116:17

Wo Musengwa Katonda, ndidha kukugheereza omusengo olw'okukusiima, era mpeereze n'okusaba kwange y'oli.

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”