Amainhama 26:24 - Baibuli Ekibono kya Katonda 2014

²⁴ Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 26:24 ပူးပေါင်းရင်းမြစ်များ

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 21:17

Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 22:19

Agho Aburahamu yairayo eri abagheereza be, baasituka bairayo boonaboona ghalala e Beerisheba, era Aburahamu yaabanga eyo.

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Amainhama 31:5

Yabakoba ati: “Mboine nga iseimwe takansagaalira nga bweyakolanga eira. Aye Katonda wa lata wange abairenga ninze buliidho.

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:3

Omumisiri oyo yaabona nga Musengwa Katonda ali ni Yosefu, era ng'amugha enkabi mu buli ky'akola.

Amainhama 46:1

Agho Isiraeli yaatoolera olugendo lwe ni byonabyona bye yali nabyo. Bweyatuuka e Beerisheba, yaaghaayo omusengo eri Katonda wa Isaaka ise.

1 Bakyabazinga 17:13

Agho Eliya yaamukoba ati: “Otatya. Ja okole nga bw'okobye. Aye sooka onfumbireku akamere okandeetere, memale weefumbire iwe n'omwana wo

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 44:2

Mulobe kutya, kuba muli bagheereza bange, era abantu bange be nalondamu, be ngonza. Nze ninze Musengwa Katonda eyabatonda ni mbata mu nda dha bainhaimwe, era ndidha kubayambanga.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Okulira 3:57

Bwe nakulirira waseeta kumpi ninze era wankoba oti, ‘Otatya.’

Abalevi 26:42

olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Abalevi 26:45

Ndidha kwizangagho buyaaka endagaano ye nakola ni badhaadha baibwe, bwe nayoleka amaghanga goonagoona obuyinza bwange nga mbatoola mu Misiri, nze Musengwa Katonda mbenga Katonda waibwe.”

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Ebikolwa by'Abatume 7:32

‘Ninze Katonda wa badhaadha bo: Katonda wa Aburahamu, ni Isaaka, ni Yakobo.’ Aye Musa yaadhugumira era tiyakana kwekalirisa.

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 13:6

Kyetuva ni twogera n'obugumu tuti: “Musengwa n'omubeezi wange, tiityenga kintu kyonakyona. Omuntu aghanga kunkola ki?”

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Ruthi 3:11

Kale ni muna, otafaayo. Ndidha kukukolera kyonakyona ky'oba onsabye, kuba ekibuga kyonakyona kiidhi nga bw'oli omukazi omulungi.