Amainhama 26:14 - Baibuli Ekibono kya Katonda 2014

¹⁴ Yali n'engo edh'ente, n'entaama, n'embuzi, era n'abagheereza kamaala. Kino kyaleetera Abafilisiti okumugemerwa ensaalwa.

Amainhama 26:14 ပူးပေါင်းရင်းမြစ်များ

Amainhama 12:16

Era ku lulwe, kyabazinga yaabisa Aburamu bukalamu yaamugha entaama, n'ente, n'endogoyi enume n'enkazi, n'abairu abasaadha n'abakazi, era n'engamiya.

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 25:5

Aburahamu yalekera Isaaka ebintu byonabyona bye yali nabyo.

Amainhama 30:43

Mu nsambo eyo Yakobo yaafuuka mukombe inho, yaaba n'ebyayo kamaala, n'abairu abakazi n'abasaadha, n'engamiya era n'endogoyi.

Amainhama 37:11

Baganda ba Yosefu baamugemerwa ensaalwa, aye ise yaasigala nga yeefumintiriza ku ebyo Yosefu bye yayogera.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Zabbuli 112:10

Omubi bw'abona ekyo asungughala, yeeguguna era yaaseenena, aye bye yeegomba okukola tabifuna.

Zabbuli 112:3

Ab'omu maka ge baba bafuni nga bakombe, era wa kusiimibwanga Katonda ebyanda n'ebyanda.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

1 Samueli 18:9

Okuva ku lunaku olwo, yaalingiriranga Daudi ng'amwekengeera.