Amainhama 25:27 - Baibuli Ekibono kya Katonda 2014

²⁷ Abaisuka abo bombi baakula. Esau yaafuuka omuyiizi omukugu, era omusaadha anhumirwa obulamu obw'omu nsiko. Aye Yakobo yaaba musaadha musirise, era eyasigalanga ghaka.

Amainhama 25:27 ပူးပေါင်းရင်းမြစ်များ

Amainhama 10:9

Yali muyiizi wa maani ku lw'obuyinza bwa Musengwa Katonda, era okwo n'okwava endhogera eti: “Ng'oti ni Nimurodi omuyiizi ow'amaani ku lw'obuyinza bwa Musengwa Katonda.”

Amainhama 21:20

Katonda yaaba ku mwisuka oyo, yaaja ng'akula, era ng'aba mu irungu, era yaafuuka muyiizi atawunhikamu.

Amainhama 27:40

Oidha kufunanga eky'okulya ng'okozesa mpiima yo, era oidha kubanga mugheereza wa muganda wo. Aye bw'olimulwanisa n'omughangula, oliwona okufugibwa kwe.”

Amainhama 46:34

Munaamwiramu muti, ‘Ife abagheereza bo, tubaire baayi okuva mu buto bwaife n'okutuusa mpegaano, ng'oti ni badhaadha baife bwe baali’—olwo musobole okuba mu kiketezo ky'e Gosheni, kuba kya muzizo eri Abamisiri okuba aghalala n'abaayi.”

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Yeremia 35:7

Ekindi yatukoba obutazimbanga ndhu, n'obutalimanga nimiro, oba okusimbanga amasamba g'emizabbibu, waire okugagula obugule. Yatulagira tusulenga mu weema buliidho, olwo tusobole okusigala nga tukaali mu nsi eno mwe tuli ng'abasenze.

Abaheburayi 11:9

Era okwikiriza n'okwamusobozesa okuba ng'omuvaghala mu nsi eyamusuubizibwa. Yaasulanga mu ntindi ni Isaaka, ni Yakobo, boona abaasuubizibwa.