Amainhama 24:7 - Baibuli Ekibono kya Katonda 2014

⁷ Musengwa Katonda ow'eigulu yantoola mu ndhu ya lata, ni mu nsi ye nazaalibwamu, era yaayogera ninze, yandayirira ati aligha baidhukulu bange ensi eno. Oyo alituma malaika we yaakukulemberamu, osobole okufunira omwana wange omukazi okuva eyo.

Amainhama 24:7 ပူးပေါင်းရင်းမြစ်များ

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 16:7

Malaika wa Musengwa Katonda yaayagaana Hagari mu irungu, ng'ali ku nsulo eri ku ngira eja e Shuri.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 21:17

Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

Amainhama 22:11

Aye malaika wa Musengwa Katonda ng'ali mu igulu yaamweta ati: “Aburahamu, Aburahamu!” Aburahamu yaavugira ati: “Ndi ghano!”

Amainhama 24:3

Nhenda olayire mu liina lya Musengwa Katonda, oyo Katonda ow'eigulu n'ensi, oti tolifunira mwana wange mukazi ava mu bantu ba ghano mu Kanaani, be mbaamu.

Amainhama 24:40

Yandhiramu ati, “Musengwa Katonda oyo ye ngondera buliidho, alikutuma ghalala ni malaika we, yaagha olugendo lwo enkabi waafunira omwana wange omukazi okuva mu boluganda lwange era mu ndhu ya lata wange.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Zabbuli 34:7

Malaika wa Musengwa Katonda akuuma abo abatya Musengwa Katonda, yaabawonia ebizibu.

Zabbuli 73:24

Ntambula nga njiira ku kugalaga kwo era ku nkomerero oliinanhiriza mu kitiisa.

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 32:13

Idhukira abagheereza bo, Aburahamu, ni Isaaka, ni Yakobo, be weelayirira iwe mwene. Wabakoba oti oidha kubazaalagania babe n'abaidhukulu kamaala ng'oti ni muunienie edhiri ku igulu. Era waabasuubiza oti ensi ye wabagha eja kuba yaibwe n'abaana baibwe n'abaidhukulu, ebyanda n'ebyanda.”

Okuvaayo 33:2

Ndidha kutuma malaika emberi waimwe, era ndidha kubinga mu nsi eyo Abakanaani, n'Abamori, n'Abahitti, n'Abaperizzi, n'Abahivi, n'Abayebusi.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Okubala 11:12

Ti ninze eyatoola enda ni nzaala abantu abo, memale onkobe okubabbeedera mu kifuba ng'omulezi bw'abbeeda omwana ayonka. Era oti mbatwale mbatuuse mu nsi ye walayirira okugha badhaadha baibwe.

Okubala 14:16

‘Musengwa Katonda yalemwa okutuusa abantu bano mu nsi ye yabalayirira okubagha, kyeyava n'abaitira mu irungu.’

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Okubala 32:11

‘Bwenebwene ghazira waire omuntu omulala ati ku bantu abaava e Misiri, abagheziiza emyaka amakumi abiri n'okusingagho, alibona ku nsi ye nalayira okugha Aburahamu, Isaaka ni Yakobo kuba abantu abo tibaaneesiga na mwoyo mulala.

Ebikolwa by'Abatume 7:5

Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 34:4

Agho Musengwa Katonda yaakoba Musa ati: “Eyo n'ensi ye nasuubiza Aburahamu, ni Isaaka, ni Yakobo, nti ndigigha baidhukulu baibwe. Nkuganhie waagibonaku bubone, aye toidha kusomoka kujaayo.”

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 11:9

Era okwikiriza n'okwamusobozesa okuba ng'omuvaghala mu nsi eyamusuubizibwa. Yaasulanga mu ntindi ni Isaaka, ni Yakobo, boona abaasuubizibwa.

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 24:3

Agho naatoola Aburahamu eyo ye yali ng'osomoike omwiga Eufurate, naamubisa mu kiketezo eky'e Kanaani kyonakyona, naamugha Isaaka n'abaidhukulu kamaala.

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.