63 Eiguloigulo yaaja okutambulatambulaku mu nimiro. Olwalinga ati yaabona engamiya nga dhiri kwidha.
Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,
Rebekka bweyalinga ati naabona Isaaka, y'ava ku ngamiya.
Aye ng'asangaalira mu Mateeka ga Musengwa Katonda, era yaagasoma yaageekalirisa omusana n'obwire.
Nsaba Musengwa Katonda asiime olwembo lwange, kuba okusagamba kwange kuva y'ali.
Ndidha kwefumintirizanga ku mateeka go, era amaiso gange tigaavenga ku biragiro byo.
Iwe nhamba okutegeera amateeka go bye gakoba, olwo ndidha kwefumintirizanga inho ku byewuunhisa by'okola.
Ebiragiro byo mbyenda inho era mbigha ekitiisa; ndidha kwefumintirizanga ku ebyo by'olagira.
Baidha kughayanga ku kitiisa kyo n'obwakyabazinga bwo, ninze zeena neefumintirizenga ku bikolwa byo ebyewuninkiriza.
Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.