Amainhama 24:53 - Baibuli Ekibono kya Katonda 2014

⁵³ Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

Amainhama 24:53 ပူးပေါင်းရင်းမြစ်များ

Amainhama 24:10

Omugheereza yaatwala engamiya ikumi ku dha musengwa we, era yaatwala ebirabo ebirungi ebya buli nsambo okuva ye musengwa we, yaaja e Mesopotamia, mu kibuga kya Nahori.

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

2 Ebyomubyanda 21:3

Iseibwe oyo Yehoshafati yabagha ebintu kamaala: feeza, ni zaabu, n'ebintu ebindi eby'omughendo, ghalala n'ebibuga mu Buyudaaya ebyezungulwirwa ebimante ebigumu. Aye obwakyabazinga yaabugha Yehoramu, kuba n'eyali omwana omuberi.

Ezera 1:6

Abantu be baabanga nabo aghalala, baabayamba nga babagha ebintu ebya feeza, ni zaabu, n'ebintu ebindi, n'ensolo, n'ebintu eby'omughendo einho, nga kw'otaire n'ebigheebwayo eby'ekyeyendere.

Okuvaayo 11:2

Mpegaano ni, koba Abaisiraeli boonaboona oti, ‘Kiisi musaadha Omuisiraeli aje asabe omusaadha muliraanwa we Omumisiri, era kiisi mukazi Omuisiraeli asabe omukazi muliraanwa we Omumisiri ebintu ebyakolebwa mu feeza ni mu zaabu.’ ”

Okuvaayo 12:35

Abaisiraeli baali bamaze okukola nga Musa bweyabakoba, kuba baali bamaze okusaba Abamisiri ebintu ebyakolebwa mu feeza ni mu zaabu era n'ebivaalo.

Okuvaayo 3:22

Kiisi mukazi Muisiraeli alisaba muliraanwa we Omumisiri, na kiisi mukazi aliba ng'asula mu ndhu eyo, baamugha ebintu ebyakolebwa mu feeza, ni mu zaabu, era n'ebivaalo. Ebintu ebyo mulibitwika batabane baimwe ni baghala baimwe. Mu nsambo ng'oti n'eyo, mulitwala eby'obukombe eby'Abamisiri mu magezi.”

Olwembo 1:10

Amatama go gaboneka bulungi n'ebyamadholobera ebigalengeedheraku nga biri ku nviiri, ni mu nkoto yo mwabaamu ebinhere ebyakolebwa mu mabaale ag'omughendo.

Olwembo 4:13

Oli ng'oti isamba lya mikomamawanga, egitaaku ebibala ebirungi einho. Era ng'eisamba eryo lirimu n'ebivaamu obuwoowo, obwa henna ni narudo,

Isaia 39:2

Hezekia yaabasangaalira, yaabalaga eby'obukombe bwe byonabyona ebyali mu iterekero: feeza, zaabu, obuwoowo, omuzigo ogw'omughendo, eby'okulwanisa, ni byonabyona ebyali mu materekero ge. Ghazira kintu waire ekirala kiti ekyali mu kisaagaati kye eky'obwakyabazinga oba mu bwakyabazinga bwe bwonabwona, ky'ataabalaga.