Amainhama 24:52 - Baibuli Ekibono kya Katonda 2014

⁵² Omugheereza wa Aburahamu bweyawulira bye bakobye yaakuba amakiryaivu, yaasinza Musengwa Katonda.

Amainhama 24:52 ပူးပေါင်းရင်းမြစ်များ

Amainhama 24:26

Agho omusaadha yaakuba amakiryaivu, yaasinza Musengwa Katonda.

Amainhama 24:48

Agho naakuba amakiryaivu, naasinza Musengwa Katonda. Naasaaka Musengwa Katonda oyo, Katonda wa musengwa wange Aburahamu, eyandholeka engira entuufu, ni nfunira omwana we omukazi ku baana ab'owoluganda lwe.

Amainhama 24:51

Rebekka wuuyo ja naye, abe mukaamwana owa musengwa wo Aburahamu, nga Musengwa Katonda mwene bw'akobye.”

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

2 Ebyomubyanda 20:18

Agho Yehoshafati yaakuba amakiryaivu era yaakutama n'ekyeni kyatuuka ku itaka. N'abantu boonaboona ab'omu Buyudaaya n'ab'omu Yerusalemu baakuba amakiryaivu mu maiso ga Musengwa Katonda, baamusinza.

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

1 Samueli 1:28

Kale buti ndi kumughaayo abe wa Musengwa Katonda enaku dhoonadhoona edh'obulamu bwe.” Era baasinza Musengwa Katonda nga bali eyo.