Amainhama 24:42 - Baibuli Ekibono kya Katonda 2014

⁴² “Bwe ntuuse ku nsulo olwaleero, naakoba nti: Wo Musengwa Katonda, iwe Katonda wa musengwa wange Aburahamu, nkweghembye mpa enkabi mu lugendo luno.

Amainhama 24:42 ပူးပေါင်းရင်းမြစ်များ

Amainhama 24:11

Bwe yatuukayo, yaafukamiza engamiya ku luya lw'ekibuga aghali ensulo; ebiseera byali bya igulo abakazi ghe bafulumira okuja amaadhi.

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 24:31

Labani yaakoba ati: “Idha tuje eka, iwe Musengwa Katonda y'aghaire enkabi. Ku lwaki oyemerera eno ku luya? Nkutegekeire endhu n'ekifo eky'engamiya.”

Amainhama 39:3

Omumisiri oyo yaabona nga Musengwa Katonda ali ni Yosefu, era ng'amugha enkabi mu buli ky'akola.

Ezera 8:21

Agho naalangirira okusiiba nga tuli eyo ku mwiga Ahava. Naakoba twewombeeke mu maiso ga Katonda waife nga tumusaba atukulembere mu lugendo lwaife, era atukuume n'abaana baife ni byonabyona bye twali nabyo.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Zabbuli 37:5

Eneebisa yo gigemye Musengwa Katonda, omwesige aidha kukubeera.

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Ab'e Roma 1:10

nga mmweghemba bw'aba ng'asiimye, nsobole okwidha okubakyalira.

1 Samueli 1:13

Hanna yali ali kwogera mule mu mwoyo gwe ng'amamiro tigali kuwulikika, aye ng'omunwa gwe n'oguli kutengeeta gwonka. Agho Eli yaadhuuba ati katyo omukazi atamiire.

1 Samueli 9:6

Aye omugheereza yaamwiramu ati: “Bona eno, mu kibuga kino mulimu omuntu wa Katonda abantu ye baisaamu ekitiisa, era kiisi ky'ayogera kituukirira. Ka tuje y'ali, oba katyo anaatukobera eby'olugendo lwaife lwe tuli kutambula.”