Amainhama 24:32 - Baibuli Ekibono kya Katonda 2014

³² Agho omusaadha yaaja, yaingira mu ndhu. Labani yaasibulula emigonero ku ngamiya, yaaleeta eisubi n'eby'okulya eby'engamiya, era yaaleeta n'amaadhi, omusaadha n'abaali naye, ge bananaaba ku bigere.

Amainhama 24:32 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

Amainhama 19:2

yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

Amainhama 24:33

Omusaadha bwe baamuleetera emere, yaaloba okulya ng'akoba ati: “Tiidha kulya nga nkaali kwogera bye bantuma.” Labani yaakoba ati: “Yogera.”

Amainhama 29:13

Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona.

Amainhama 43:24

Omugheereza yaatwala aboluganda abo mu ndhu ya Yosefu, yaabagha amaadhi baanaabaku ku bigere, era yaagha endogoyi dhaibwe eby'okulya.

Luka 7:44

Yaakyuka yaalingirira omukazi, yaakoba Simoni ati: “Obona omukazi ono? Nhingiire mu ndhu yo, tompaire maadhi ga kunaaba bigere. Aye ono aboziiza ebigere byange n'amaziga ge era yaabisiimuula n'enviiri dhe.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Abalamuzi 19:21

Agho yaabaingiza mu ndhu ye, yaagha endogoyi eby'okulya. Ni beene baanaaba ebigere, baalya era baanhwa.

1 Samueli 25:41

Abigaili yaakuba amakiryaivu, yaakutama n'ekyeni kyatuuka ku itaka, yaakoba ati: “Nze ndi mugheereza mukazi agwaine obw'okunaaza ebigere eby'abagheereza ba musengwa wange oyo!”