Amainhama 24:27 - Baibuli Ekibono kya Katonda 2014

²⁷ Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 24:27 ပူးပေါင်းရင်းမြစ်များ

Amainhama 13:8

Agho Aburamu yaakoba Loti ati: “Nze n'iwe tuli baaluganda. Ka tulobe kusoola, oba waire abaayi abange okusoola n'ababo.

Amainhama 14:20

Katonda oyo Ali Ghaigulu Yeene asaakibwenga, oyo akuleeteire okughangula abazigu bo!” Agho Aburamu yaagha Melekizedeki ekintu kirala ku buli ikumi, ku bintu byonabyona ebyali binhagiibwa.

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

Amainhama 24:21

Omusaadha yaamwekalirisa kisiriikiriza, abone oba nga Musengwa Katonda aghaire olugendo lwe enkabi.

Amainhama 24:4

Aye oteekwa okuja mu nsi ye nazaalibwamu era mu boluganda lwange, waafunirayo eyo omwana wange Isaaka omukazi.”

Amainhama 24:42

“Bwe ntuuse ku nsulo olwaleero, naakoba nti: Wo Musengwa Katonda, iwe Katonda wa musengwa wange Aburahamu, nkweghembye mpa enkabi mu lugendo luno.

Amainhama 24:48

Agho naakuba amakiryaivu, naasinza Musengwa Katonda. Naasaaka Musengwa Katonda oyo, Katonda wa musengwa wange Aburahamu, eyandholeka engira entuufu, ni nfunira omwana we omukazi ku baana ab'owoluganda lwe.

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Amainhama 32:11

Nkweghembye mponia muganda wange Esau, kuba mmutya; asobola okwidha yaatwita twenatwena, era yaatwalizaamu n'abakazi n'abaana.

Amainhama 9:26

Era yaakoba ati: “Musengwa Katonda asaakibwe, Katonda wa Shemu; Kanaani aidha kubanga mwiru wa Shemu.

2 Samueli 18:28

Ahimaazi olwatuuka ati, yaakoba kyabazinga mu mamiro ag'amaani ati: “Byonabyona biri miraala.” Bwe yamala yaakubira kyabazinga amakiryaivu era yaakutama n'ekyeni kyatuuka ku itaka. Yaakoba ati: “Musengwa Katonda wo asaakibwe, akughaire okughangula abantu abaakudheemera iwe Isebantu kyabazinga.”

Zabbuli 100:5

kuba Musengwa Katonda mulungi okugonza kwe tikukoma kubaagho byanda na byanda, n'obwesigwa bwe buligho eri ense n'ense edh'abantu.

Zabbuli 68:19

Tusaakenga Musengwa Katonda, oyo n'atwetwikira ebizibu byaife buli kaakyeire. Oyo ni Katonda atulokola.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Okuvaayo 18:10

Era yaakoba ati: “Musengwa Katonda oyo asaakibwe, eyabatoola mu ngalo dha kyabazinga ow'e Misiri, ni mu ngalo edh'Abamisiri.

Okuvaayo 2:11

Lwali lulala nga Musa amaze okukulira irala, yaafuluma mu kisaagaati yaaja okubona ku bantu be Abaheburayi. Bwe yatuuka yaalingirira yaabona engeri ye baabakakanga okukola emirimo emikalangufu. Era yaabona Omumisiri ng'ali kukuba owundi ku bantu be abo, ate nga Musa yeena yali Muheburayi.

Okuvaayo 2:13

Bwe yafuluma kabiri olunaku olwairirira, yaja okubona ng'ayagaana Abaheburayi babiri bali kulwana. Kyeyava n'abuuza ole eyali ali kufufunkiriza mwine ati: “Kale lwaki okuba Omuheburayi mwino?”

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Ensambo 3:6

Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Ensambo 8:20

Ntambulira mu butuufu, naakola ebyo ebituufu.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

Ruthi 4:14

Abakazi baakoba Naomi bati: “Musengwa Katonda asaakibwe atakulekuliire agho nga ghazira musika wa kukulabirira! Omwana oyo agwananga yaakula yaaba mumanhifu inho mu Isiraeli mwonamwona!

1 Samueli 25:32

Daudi yaakoba Abigaili ati: “Musengwa Katonda, Katonda wa Isiraeli asaakibwe, oyo akutumye olwaleero okwidha ye ndi.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.