Amainhama 24:21 - Baibuli Ekibono kya Katonda 2014

²¹ Omusaadha yaamwekalirisa kisiriikiriza, abone oba nga Musengwa Katonda aghaire olugendo lwe enkabi.

Amainhama 24:21 ပူးပေါင်းရင်းမြစ်များ

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

Amainhama 24:20

Agho yaayangughaku, yaayugha amaadhi agaali mu nsugha ye mu kintu ensolo mwe dhinhwera. Yaalumuka okwirayo ku nsulo, yaasenera engamiya edh'omusaadha dhoonadhoona amaadhi.

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 24:56

Aye omugheereza yaakoba ati: “Mulobe kundwisa, kuba Musengwa Katonda aghaire olugendo lwange enkabi. Munsiibule ndhireyo ye musengwa wange.”

Zabbuli 107:1

Bakagwa, musiime Musengwa Katonda kuba mulungi; okugonza kwe okutakoma kubaagho byanda na byanda!

Zabbuli 107:15

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 107:43

Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Zabbuli 107:8

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Luka 2:19

Maria ebibono ebyo byonabyona yaabita ku mwoyo era yaabirowoozangaku inho.

Luka 2:51

Agho Yesu yaaserengeta nabo, yaatuuka e Nazarethi, era yaabawuliranga. Inhina ebintu ebyo byonabyona yaabita ku mwoyo.