Amainhama 24:11 - Baibuli Ekibono kya Katonda 2014

¹¹ Bwe yatuukayo, yaafukamiza engamiya ku luya lw'ekibuga aghali ensulo; ebiseera byali bya igulo abakazi ghe bafulumira okuja amaadhi.

Amainhama 24:11 ပူးပေါင်းရင်းမြစ်များ

Amainhama 24:42

“Bwe ntuuse ku nsulo olwaleero, naakoba nti: Wo Musengwa Katonda, iwe Katonda wa musengwa wange Aburahamu, nkweghembye mpa enkabi mu lugendo luno.

Amainhama 29:2

Yaja okulinga ati, yaabona ensulo mu nsiko n'ebighaso eby'entaama bisatu, nga dhirambaire agho aghali ensulo; kuba mu nsulo omwo mwe baanhwesanga entaama. Ku nsulo eyo nga basandikiraku eibaale eikologho.

Okuvaayo 2:15

Kyabazinga bweyakiwulira yaayenda aite Musa. Aye Musa yaamulumukaku, yaaja yaasenga mu nsi ey'e Midia. Yaatuukira ku nsulo yaatyama.

Okuvaayo 2:16

Mperaano, kabona ow'e Midia yali ni baghala be musanvu, era boona baidha ku nsulo okwo okusena amaadhi baidhuze ebintu byaibwe ensolo mwe dhinhwera, baghange okunhwesa ebyayo bya lata waibwe.

Ensambo 12:10

Omuntu akola ebituufu afaayo ku nsolo dhe, aye omukozi w'ebibi tasaasira dhidhe naire.

Yoanne 4:7

Omukazi Omusamaria yaidha okusena amaadhi, Yesu yaamukoba ati: “Mpa ku maadhi nhweku.”

Abalamuzi 5:11

Muwulire amamiro ag'abali ku nsulo edh'amaadhi. Boogera ku bughanguzi Musengwa Katonda bwe yagha Isiraeli. Agho abantu ba Musengwa Katonda baatambuza maani, okuja ku miryango gy'ebibuga byaibwe.

1 Samueli 9:11

Bwe baali bali kuniinaniina akasozi batuuke mu kibuga, baayagaanana n'abaghala abaali bali kuva mu kibuga nga bali kuja kusena maadhi. Baababuuza bati: “Omuboni aliyo?”