Amainhama 23:6 - Baibuli Ekibono kya Katonda 2014

⁶ “Musengwa, wulira kye tuli kukoba Iwe oli mukungu mukologho mu ife. Ziika omufu wo mu magombe g'oneerobozaamu ku ago goonagoona ge tuli nago. Ghazira waire omulala ku ife, anaakwima amagombe ge, oba okukulobera okuziikamu omufu wo.”

Amainhama 23:6 ပူးပေါင်းရင်းမြစ်များ

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

Amainhama 18:12

Sara yaaseka mule ng'akoba ati: “Buti nga mmaze okukairigha nti, era nga ni baze yeena mukaire atyo, mbo bwenebwene nnairayo okunhumirwa.”

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 21:22

Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 23:5

Abahitti baamwiramu bati:

Amainhama 23:7

Agho Aburahamu yaakubira Abahitti amakiryaivu beene nsi,

Amainhama 24:18

Rebekka yaakoba ati: “Isebo, nhwa.” Era mangu ago yaatoola ensugha ku ibega, yaagigemerera, yaamugha okunhwa.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 31:35

Rakeli yaakoba ise ati: “Isebo, otansungughalira olw'obutasobola kwemerera mu maiso go, kuba ndi mulwaire.” Labani yaayagaaza aye yaaloba kuzuula misambwa gye egy'omu maka.

Amainhama 32:18

Oiramu oti, ‘Dha mugheereza wo Yakobo; nga kino n'ekirabo ky'agheereiza musengwa wange Esau. Era ni mwene ali kutuvaaku einhuma.’ ”

Amainhama 42:10

Bairamu bati: “Busa, musengwa waife. Ife abagheereza bo twidhie kugula mere.

Amainhama 44:5

Ekikopo ekyo musengwa wange ni ky'anhweramu era ni ky'akozesa ng'alagula. Kye mukoze kibi inho!’ ”

Amainhama 44:8

Oidhi bukalamu oti empiiya dhe twayagaana ku minwa gy'ensawo dhaife twadhikwiriza nga tuva mu nsi ey'e Kanaani. Kale twandiibye tutya feeza oba zaabu mu ndhu ya musengwa wo?

Okuvaayo 32:22

Aaroni yaamwiramu ati: “Musengwa Katonda wange, otansungughalira bujiiririire, kuba oidhi bukalamu ng'abantu bano bwe benda einho okwonoona.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Ruthi 2:13

Ruthi yaamwiramu ati: “Isebo ondholeike ekisa ekinene, bw'oyogeire ninze mu bibono ebindhiziizaamu amaani, waire nga tibalirwa mu bakozi bo abakazi.”