Amainhama 23:2 - Baibuli Ekibono kya Katonda 2014

² yaafiira mu Kiriatharaba, ng'ekyo n'e Heburoni, mu nsi ey'e Kanaani. Aburahamu yaakola emikolo egy'okulira mukazi we.

Amainhama 23:2 ပူးပေါင်းရင်းမြစ်များ

Amainhama 13:18

Kale Aburamu yaazimbulagho weema ye, yaaja yaasenga kumpi n'emiti gya Mamure mu Heburoni era eyo yaazimbirayo Musengwa Katonda alutaari.

Amainhama 23:1

Sara yaghangaala emyaka kikumi n'abiri na musanvu (127),

Amainhama 23:19

Ebyo olwawa, Aburahamu yaaziika mukazi we Sara mu mpuku ey'omu nimiro ey'e Makipela, ku luuyi olw'e buvandhuba olw'e Mamure, ng'ekyo ni Heburoni, mu nsi ey'e Kanaani.

Amainhama 24:67

Agho Isaaka yaatwala Rebekka mu weema eyali eya Sara inhina, yaamufuula mukazi we era yaamugonza. Ekyo kyaleetera Isaaka okuguma mu nnaku ey'okufiirwa inhina.

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 35:27

Agho Yakobo yaja eri ise Isaaka e Mamure, oba Kiriatharaba, ekyo era nga ni Heburoni, Aburahamu ni Isaaka mwe baabanga.

Amainhama 37:14

Ise yaamukoba ati: “Ja mpegaano obone oba nga baganda bo bali bukalamu, era oba nga n'ebyayo biri bukalamu memale oire onkobere.” Kale yaamutuma okuva mu kiiko eky'e Heburoni. Yosefu yaaja yaatuuka e Shekemu.

Amainhama 50:1

Yosefu yeesuula ku ise nga bw'alira era yaamunhwegera.

Amainhama 50:10

Bwe baatuuka mu kifo aghakubirwa engaano, eky'e Atadi e buvandhuba wa Yorudani, baakubira eyo empungu nhingi inho okumala ekiseera. Era Yosefu yaamala enaku musanvu ng'alira ise.

2 Samueli 1:12

Baalira amaziga, baagegenga era baaloba kulya mmere okutuusa eigulo, olw'okuba Saulo, ni Yonathani mutabane we, n'Abaisiraeli abantu ba Musengwa Katonda, baafiira mu lutalo.

2 Samueli 1:17

Agho Daudi yaalira Saulo ni mutabane we Yonathani mu olwembo olw'okulira.

2 Samueli 2:11

Era Daudi oyo yaafugira ab'endhu ya Yuda mu Heburoni okumala entangama ya myaka musanvu n'emyezi mukaaga.

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

2 Samueli 5:5

Yaafugira Buyudaaya e Heburoni okumala entangama ya myaka musanvu n'emyezi mukaaga, ate yaafugira Isiraeli yoonayoona ghalala ni Buyudaaya e Yerusalemu okumala entangama ya myaka asatu n'esatu.

1 Ebyomubyanda 6:57

Era baagha baidhukulu ba Aaroni ab'oku nda ya Kohathi abo, ebibuga ebyalondebwa okulumukirangamu okwewonia ni bino: Heburoni, ni Libuna, ghalala n'ebyayiro byabyo; Yattiri, ni Eshitemoa, ghalala n'ebyayiro byabyo;

2 Ebyomubyanda 35:25

Ni Yeremia omulanzi yeena yaalira Yosia. Era okulira kwe okwo, abembi boonaboona abasaadha n'abakazi baakufuulamu mpisa mu Isiraeli ni ye buli eno, okwembanga ku Yosia nga bamulira.

Nehemia 11:25

Abantu abandi baabanga mu bibuga ni mu byalo ebyabanga okumpi n'enimiro dhaibwe. Ab'ekika kya Yuda nga baba mu bibuga Kiriathi Araba, ni Diboni, ni Yekabizeeli, ni mu byalo ebibyezungulwire.

Yeremia 22:10

Imwe abantu b'omu Buyudaaya, mutalirira kyabazinga Yosia eyafa era mutamulumirwa mwoyo. Aye mulirire inho mutabane we Yoahazi ye bali kutwala nga ti wa kwira; kuba taja kwirayo kubona ku nsi ye yazaalibwamu kabiri.

Yeremia 22:18

Kale ni, Musengwa Katonda bino by'akoba ebigema ku Yehoiakimu mutabane wa Yosia, era kyabazinga wa Buyudaaya: “Tibalimulirira mbu, ‘Wo muganda wange!’ Oba mbu, ‘Wo mwanhinaze!’ Tibaligegenga mbu, ‘Wo musengwa wange!’ Oba mbu, ‘Wo kyabazinga wange!’

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Okubala 20:29

Abaisiraeli boonaboona bwe bamanha nga Aaroni afiire, bamulirira enaku amakumi asatu.

Yoanne 11:31

Abantu abaali ni Maria mu ndhu nga baidhie okumusaasira baamunonereza, bwe baabona ng'asitukiramu nga badhuuba bati yali ali kuja ku magombe kugegengera eyo.

Yoanne 11:35

Yesu yaalira.

Ebikolwa by'Abatume 8:2

Abantu abaisaamu Katonda ekitiisa baaziika Sitefano era baamulira inho.

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

Yoshua 10:39

baakighangula era baita kyabazinga waamu n'abantu boonaboona abaakirimu. Era baalumba n'ebibuga ebindi ebiriiraine ekibuga ekyo Debiri, baabighangula era baita n'abantu abaabirimu ng'oti ni bwe baakola Heburoni ni Libuna, ni bakyabazinga baamu.

Yoshua 15:13

Nga Musengwa Katonda bwe yalagira, Yoshua yagha Kalebu mutabane wa Yefunne era ow'omu kika kya Yuda, ekitundu ku kiketezo kye yagha Abayuda. Yamugha ekibuga Heburoni, ekyo nga ni Kiriathi Araba, Araba nga n'azaala Anaki.

Yoshua 15:54

Humuta, Kiriathi Araba, ekyo nga ni Heburoni, ni Ziori. Bino byali ebibuga mwenda n'ebyalo byaku.

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Yoshua 21:11

Baagheebwa ekibuga kya Araba, buti ekyetebwa Heburoni, ekiri mu kiketezo eky'ensozi ekya Yuda, era baabagheeraku n'ekiketezo ekikyezungulwire omuli eisubi ery'okwayirangamu. Araba oyo nga n'azaala Anaki.

Abalamuzi 1:10

Agho baaja, baalumba Abakanaani abaabanga mu kibuga Heburoni, ekyayetebwangaku Kiriathi Araba, era eyo baaghangulirayo abantu bano: ab'ekika kya Sheshai, n'ab'ekya Ahimani, n'ab'ekya Talumai.

1 Samueli 20:31

Oli n'okukimanha nti mutabane wa Yesse oyo bw'asigala ng'akaali mulamu ku nsi, iwe tolifuuka kyabazinga. Kale mpegaano mwetese aidhe, omundeetere, kuba ateekwa buteekwe okufa.”

1 Samueli 25:1

Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.