Amainhama 23:19 - Baibuli Ekibono kya Katonda 2014

¹⁹ Ebyo olwawa, Aburahamu yaaziika mukazi we Sara mu mpuku ey'omu nimiro ey'e Makipela, ku luuyi olw'e buvandhuba olw'e Mamure, ng'ekyo ni Heburoni, mu nsi ey'e Kanaani.

Amainhama 23:19 ပူးပေါင်းရင်းမြစ်များ

Amainhama 23:18

Abahitti boonaboona abaali mu kifo eky'olwekobaano ku mulyango gw'ekibuga, baakakasa ng'enimiro eyo ya Aburahamu.

Amainhama 23:20

Kale enimiro n'empuku yaamu ebyali eby'Abahitti, byafuukira irala ekifo kya Aburahamu eky'okuziikangamu abafu be.

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Amainhama 37:14

Ise yaamukoba ati: “Ja mpegaano obone oba nga baganda bo bali bukalamu, era oba nga n'ebyayo biri bukalamu memale oire onkobere.” Kale yaamutuma okuva mu kiiko eky'e Heburoni. Yosefu yaaja yaatuuka e Shekemu.

Amainhama 47:30

Nhenda nziikibwe aghali badhaadha bange ontoolanga mu Misiri, wantwala wanziika mu kifo mwe baaziikibwa.” Yosefu yairamu ati: “Ndikola ntyo nga bw'okobye.”

Amainhama 50:13

Baabbeeda omulambo gwe, baagutwala mu nsi Kanaani, baaguziika mu mpuku ey'omu nimiro ey'e Makipela e buvandhuba bwa Mamure. Empuku eyo Aburahamu yagigulira ghalala n'enimiro eyo ku Efuroni Omuhitti, ebenga ekifo eky'okuziikangamu.

Amainhama 50:25

Agho Yosefu yaalayiza abaana ba Isiraeli ng'akoba ati: “Mulayire muti Katonda bw'alibatoola mu nsi eno, mulitwala amagumba gange.”

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Omulangirizi 12:5

Ng'otya okuba mu bifo ebyeruupye ghaigulu, era ng'otya n'okutambula mu ngira wenka. Olwo nga n'enviiri dhifuuse ndheru, ng'okwetuka bukwetuke ng'oti isisi, era nga tokaali na kye weegomba. Ng'otuusiiza okuja mu kiwuumulo kyo eky'olubeerera, era nga n'abalizi bali kwesomba mu nguudo.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 6:3

Omuntu asobola okuzaala abaana ekikumi, era yaaghangaala emyaka kamaala. Aye ni bw'aghangaala einho, bw'aba nga tafunie isanhu mu bulamu bwe era nga taziikiibwa bukalamu, nze nkoba nti omwana azaalibwa nga mufu asinga omuntu oyo;