Amainhama 22:9 - Baibuli Ekibono kya Katonda 2014

⁹ Bwe baatuuka mu kifo Katonda kye yali amaze okumukoberaku, Aburahamu yaazimba agho alutaari, yaayaliiraku enku. Agho yaasiba omwana we Isaaka yaamuta ku nku ku alutaari.

Amainhama 22:9 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 13:18

Kale Aburamu yaazimbulagho weema ye, yaaja yaasenga kumpi n'emiti gya Mamure mu Heburoni era eyo yaazimbirayo Musengwa Katonda alutaari.

Amainhama 22:10

Bwe yamala, yaagema akambe aite omwana we.

Amainhama 22:8

Aburahamu yaamwiramu ati: “Mwana wange, Katonda mwene n'aidha okutugha entaama ento ey'okwokebwa ng'ekigheebwayo.” Agho baaja bombi nga beeyongerayo.

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

1 Bakyabazinga 18:33

Agho yaatindirira enku ku alutaari, yaasalasala mu nte, yaagita ku nku edho. Yaakoba ati: “Mwidhuze ensugha ina amaadhi, mumale mugafuke ku kigheebwayo ekyo ekyokebwa ni ku nku.” Baakola batyo.

Zabbuli 118:27

Musengwa Katonda ni Katonda, yatukolera ebirungi kamaala. Aleeni mutoolere ekibinuko nga mugemye ensaga, nga mukaadha okutuukira irala ku alutaari.

Matayo 27:2

Agho baamusiba baamutwala era baamughaayo ew'omufuzi Pilato.

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Ebikolwa by'Abatume 8:32

Ekitundu ky'ebyaghandiikibwa kye yali asoma kikoba kiti: “Yali ng'oti n'entaama ye batwala okwita. Oba ng'oti n'entaama etalira nga bagisalaku ebiviiri; tiyabumbula munwa naire.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Yakobo 2:21

Dhaadha waife Aburahamu tiyasiimibwa Katonda lwa bikolwa, bwe yaghaayo mutabane we Isaaka ku alutaari?

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.