Amainhama 22:8 - Baibuli Ekibono kya Katonda 2014

⁸ Aburahamu yaamwiramu ati: “Mwana wange, Katonda mwene n'aidha okutugha entaama ento ey'okwokebwa ng'ekigheebwayo.” Agho baaja bombi nga beeyongerayo.

Amainhama 22:8 ပူးပေါင်းရင်းမြစ်များ

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

Amainhama 22:7

Isaaka yaayeta ise Aburahamu ati: “Bbaaba!” Aburahamu yaavugira ati: “Ndi ghano, mwana wange.” Isaaka yaamubuuza ati: “Ndi kubona omuliro n'enku biibino, aye entaama ento ey'okwokebwa ng'ekigheebwayo eri gha?”

Amainhama 22:9

Bwe baatuuka mu kifo Katonda kye yali amaze okumukoberaku, Aburahamu yaazimba agho alutaari, yaayaliiraku enku. Agho yaasiba omwana we Isaaka yaamuta ku nku ku alutaari.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

Matayo 19:26

Yesu yaabalingirira, yaabakoba ati: “Ku bw'omuntu kino tikisoboka, aye mu Katonda byonabyona bisoboka.”

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 1:36

yaabona Yesu ng'atambula. Yaakoba ati: “Mubone Entaama Ento eya Katonda!”

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 5:12

Baayogera n'amamiro ag'amaani bati: “Entaama Ento eyaitibwa egwaine okuba n'obukumu, n'obukombe, n'amagezi, n'amaani. Era egwaine okusaakibwa, okugheebwa ekitiisa, n'okusinzibwa!”

Okwolekebwa 5:6

Agho naabona Entaama Ento ng'eyemereire ghagati aghali ekityamo eky'obwakyabazinga, ng'eboneka ng'eyaitibwaku. Ebitonde ebiramu ebina (4) byali bigyezungulwire aghalala n'abakulembeze. Yali n'amayiga musanvu n'amaiso musanvu, nga n'egyo emyoyo omusanvu egya Katonda egitumibwa mu nsi yoonayoona.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.