Amainhama 22:7 - Baibuli Ekibono kya Katonda 2014

⁷ Isaaka yaayeta ise Aburahamu ati: “Bbaaba!” Aburahamu yaavugira ati: “Ndi ghano, mwana wange.” Isaaka yaamubuuza ati: “Ndi kubona omuliro n'enku biibino, aye entaama ento ey'okwokebwa ng'ekigheebwayo eri gha?”

Amainhama 22:7 ပူးပေါင်းရင်းမြစ်များ

Amainhama 22:8

Aburahamu yaamwiramu ati: “Mwana wange, Katonda mwene n'aidha okutugha entaama ento ey'okwokebwa ng'ekigheebwayo.” Agho baaja bombi nga beeyongerayo.

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

Okuvaayo 12:3

Era kobera Abaisiraeli boonaboona nga beesoloiza, oti omwezi guno ng'enaku ikumi, kiisi musaadha wa maka aidha kutoola entaama ento oba embuzi ento olwa ab'omu maka ge.

Okuvaayo 29:38

“Buli lunaku oidha kugheerangayo ku alutaari okwo entaama ento ibiri, edh'omwaka omulala omulala.

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Matayo 26:42

Kabiri yaaja omukuzi ogwokubiri yaasaba ng'akoba ati: “Lata, oba nga ekikopo kino tikighanga kuntoolebwaku, okutoolaku nga nkinhweire, kikolebwe nga bw'oyenda.”

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 1:36

yaabona Yesu ng'atambula. Yaakoba ati: “Mubone Entaama Ento eya Katonda!”

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.