Amainhama 21:8 - Baibuli Ekibono kya Katonda 2014

⁸ Omwana yaakula, era ku lunaku lwe yava ku mabeere, Aburahamu yaafumba embaga nnene.

Amainhama 21:8 ပူးပေါင်းရင်းမြစ်များ

Amainhama 19:3

Loti yaayongera okubakoba, okutuusa lwe baaja naye ni baingira mu ndhu ye. Yaabategekera embaga, yaafumba omugaati ogutazimbulukusiibwa, baalya.

Amainhama 21:7

Era yaakoba ati: “Naani eyandikobye Aburahamu ati Sara alyonsa ku baana? Aye mmuzaaliire omwana mu bukaire bwe.”

Amainhama 21:9

Lwali lulala Sara yaabona Ishimaeli, omwana Hagari Omumisiri ye yazaalira Aburahamu, ng'ali kuzaanha ni Isaaka mutabane we.

Amainhama 26:30

Agho Isaaka yaabafumbira embaga, baalya era baanhwa.

Amainhama 29:22

Kale Labani yaayeta abantu boonaboona ab'omu kiketezo ekyo, yaakola embaga.

Amainhama 40:20

Ku lunaku olwokusatu, olwali olw'okukulizaaku amazaalibwa ga kyabazinga, kyabazinga yaagabula abakungu be boonaboona embaga. Yaafulumya mu ikomera omusenero omukulu n'omufumbi omukulu, bombi yaabaleeta mu maiso g'abakungu be.

2 Samueli 3:20

Abuneri yaaja ye Daudi e Heburoni n'abantu amakumi abiri, Daudi yaabakolera embaga.

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

Zabbuli 131:2

Nze ndi muwolu era nsiriike. Ng'omwana ye basiriisaagho bw'aba ng'ali ku ibeere lya inhina, zeena ntyo bwensiriike.

Hosea 1:8

Gomeri bwe yamala okukuza mughala we Tasaasirwa n'ava ku mabeere, yaatoola enda kabiri era yaazaala omwana mulenzi.

Abalamuzi 14:10

Ise yaaja mu maka g'omughala, era Samusoni yaakolerayo embaga, kuba abaisuka abaabayizanga, batyo bwe baakolanga.

Abalamuzi 14:12

Agho Samusoni yaabakoba ati: “Ka mbaghe ekikoiko. Bwe munaasobola okukiita ng'enaku omusanvu edh'embaga dhikaali kuwaaku, ndidha kubagha engoye empegheevu amakumi asatu, n'ebivaalo eby'oku mbaga amakumi asatu.

1 Samueli 1:22

Aye ku mukuzi ogwo Hanna tiyaja nabo, kuba yakoba iba ati: “Omwana bw'alikula n'ava ku mabeere, ndimutwala naamwandhulayo ye Musengwa Katonda era yaaba eyo enaku dhoonadhoona edh'obulamu bwe.”

1 Samueli 1:24

Omwana bwe yakula n'ava ku mabeere, Hanna yaamutwala ghalala n'ente ey'emyaka esatu, ni kilo ikumi edh'obuwunga obw'engaano, n'ensawo ey'oluwu eidhwire omwenge ogw'emizabbibu. Yaamutwala mu ndhu ya Musengwa Katonda e Shilo, waire ng'era omwana yali akaali muto.

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.