Amainhama 21:22 - Baibuli Ekibono kya Katonda 2014

²² Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 21:22 ပူးပေါင်းရင်းမြစ်များ

Amainhama 20:14

Agho Abimeleki yairiza Aburahamu mukazi we Sara, era yaamugha entaama, n'ente, n'abairu abasaadha n'abakazi.

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Amainhama 20:2

Yaakoberanga abantu nga mukazi we Sara bw'ali mwanhina. Kale Abimeleki kyabazinga wa Gerari, yaayesa Sara baamumutwalira.

Amainhama 26:26

Agho Abimeleki yaava mu Gerari ng'ali ghalala ni Ahuzzathi amugha amagezi, ni Fikoli omuduumizi w'amagye ge, baaja eri Isaaka.

Amainhama 26:28

Bairamu bati: “Tuboine nga bwenebwene Musengwa Katonda ali n'iwe, kye tuva ni tukoba tuti ghabeegho ekirayiro ghagati wo n'ife, era tukole endagaano n'iwe,

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Amainhama 31:5

Yabakoba ati: “Mboine nga iseimwe takansagaalira nga bweyakolanga eira. Aye Katonda wa lata wange abairenga ninze buliidho.

2 Samueli 24:7

Agho baatuuka e Tiro mu kifo eky'okwewogomamu, baamala baaja mu bibuga byonabyona eby'Abahivi n'Abakanaani, era baaja baabita mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, baatuuka e Beerisheba.

2 Ebyomubyanda 1:1

Solomoni mutabane wa Daudi yaakakata mu bufuzi mu bwakyabazinga bwe, era Musengwa Katonda we yaabanga ghalala naye, yaamufuula omukologho einho.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”

Yoshua 3:7

Musengwa Katonda yaakoba Yoshua ati: “Ku lunaku luno nja kwoleka Abaisiraeli boonaboona nga bw'oli n'ekitiisa ekya ghaigulu. Baidha kumanha nga ndidha kubanga n'iwe, nga bwe nalinga ni Musa.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 24:22

Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.