Amainhama 21:2 - Baibuli Ekibono kya Katonda 2014

² Kale Sara yaatoola enda era yaazaalira Aburahamu omwana mulenzi mu myaka egyo egy'obukaire, mu biseera byene Katonda bye yamusuubiza.

Amainhama 21:2 ပူးပေါင်းရင်းမြစ်များ

Amainhama 17:19

Aye Katonda yairamu ati: “Busa. Mukazi wo Sara aidha kukuzaalira omwana mulenzi, iwe omutuume eriina Isaaka. Ndidha kukola naye endagaano yange etakoma, era ni baidhukulu be abalimwiririra.

Amainhama 17:21

Aye endagaano yange ndidha kugitaagho ni Isaaka, oyo Sara y'aidha okukuzaalira mu biseera bino, mu mwaka ogwidha.”

Amainhama 18:10

Musengwa yaakoba ati: “Omwaka ogwidha tiriroba kukukyalira kabiri, era mu biseera bino mukazi wo Sara aliba ng'azaire omwana mulenzi.” Sara yali inhuma wa Aburahamu, ku lwigi lwa weema, ng'ali kuwulira.

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

Luka 1:36

Ate bona, Elisabethi ow'ekika kyo ali nda ya mwana mulenzi, mu bukaire bwe obwo. Era guno omwezi n'ogwomukaaga ogw'oyo ye baayetanga omugumba

Ebikolwa by'Abatume 7:8

Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.

Ab'e Roma 9:9

Kuba ekisuubizo kya Katonda kyakoba kiti: “Mu biseera oti ni bino ndiira era Sara aliba aliku omwana omulenzi.”

Ab'e Galatia 4:22

Kuba kyaghandiikibwa kiti Aburahamu yali ni batabane babiri, nga owundi yamuzaala mu mukazi mwiru, ate owundi yaamuzaala mu mukazi waagho.

Abaheburayi 11:11

Okwikiriza n'okwasobozesa Sara okutoola enda waire yali ng'akairiighe okubitirira, kuba yaikiriza ng'eyamusuubiza mwesigwa.

Yoshua 24:3

Agho naatoola Aburahamu eyo ye yali ng'osomoike omwiga Eufurate, naamubisa mu kiketezo eky'e Kanaani kyonakyona, naamugha Isaaka n'abaidhukulu kamaala.