Amainhama 21:17 - Baibuli Ekibono kya Katonda 2014

¹⁷ Aye Katonda yaawulira omwana ng'ali kulira, era malaika wa Katonda, ng'ali mu igulu, yaakoba Hagari ati: “Hagari, obaire otya? Otatya, kuba Katonda awuliire omwana ng'ali kulira eyo y'ali.

Amainhama 21:17 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 16:11

Kabiri yaamukoba ati: “Buti oli nda, oidha kuzaala omwana mulenzi, omutuume eriina Ishimaeli, kuba Musengwa Katonda awuliire okudaazibwadaazibwa kwo.

Amainhama 16:7

Malaika wa Musengwa Katonda yaayagaana Hagari mu irungu, ng'ali ku nsulo eri ku ngira eja e Shuri.

Amainhama 16:8

Malaika yaamubuuza ati: “Hagari, omwiru wa Sarai, ova gha era oja gha?” Yairamu ati: “Ndi kulumuka ku musengwa wange Sarai.”

Amainhama 16:9

Malaika wa Musengwa yaamukoba ati: “Irayo ye musengwa wo era omugonderenga.”

Amainhama 22:11

Aye malaika wa Musengwa Katonda ng'ali mu igulu yaamweta ati: “Aburahamu, Aburahamu!” Aburahamu yaavugira ati: “Ndi ghano!”

Amainhama 24:7

Musengwa Katonda ow'eigulu yantoola mu ndhu ya lata, ni mu nsi ye nazaalibwamu, era yaayogera ninze, yandayirira ati aligha baidhukulu bange ensi eno. Oyo alituma malaika we yaakukulemberamu, osobole okufunira omwana wange omukazi okuva eyo.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 13:4

Agho Yehoahazi yeeghemba Musengwa Katonda ng'amusaba, era Musengwa Katonda yaawulira okusaba kwe, kuba yabona kyabazinga wa Siria bweyali abisa obubi Abaisiraeli.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 6:8

Munveeku imwe mwenamwena abakozi ab'ebibi; kuba Musengwa Katonda awulira okulira kwange.

Zabbuli 65:2

eri iwe akolera abantu ebyo bye bakusaba. Abantu boonaboona baliidha y'oli

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 22:23

Bw'olibabisa obubi, baja kundirira era zeena mpulire okulira kwaibwe,

Okuvaayo 22:27

kuba ekyo kye yeebwika era n'ekikunta kye ekimusuuya. Kale aghanga atya okutenduka nga tiyeebwise? Era bw'anandiriranga ndidha kumuwuliranga, kuba nze ndi wa kivunika.

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Matayo 15:32

Agho Yesu yaayeta Abeegeresebwa be, yaabakoba ati: “Abantu bano bangemya ekisa, kuba buti enaku isatu nga bali ninze, ate nga bazira ka kulya tyenda kubasiibula nga bayala, kuba baghanga okugwa ku ngira.”

Mariko 5:36

Ekyo Yesu yaaba oti takiwuliire, yaakoba omukulu wa sinagoga ati: “Otatya, ikiriza bwikirize.”

Amateeka Agokubiri 26:7

Agho twalirira Musengwa Katonda, Katonda wa badhaadha baife, yaawulira okulira kwaife. Yaabona Abamisiri bwe baatudaazadaaza nga batukooya era nga batukiriga.

Abalamuzi 18:23

baabakaabukira. Ab'omu kika kya Dani baakyuka, baabuuza Mika bati: “Kiki ekikutuuseeku, okwidha n'ekikunsu ekinene kityo?”

1 Samueli 11:5

Saulo yali ali kuva mu nimiro, ng'akulembeizaamu ente. Agho yaabuuza ati: “Abantu babaire ki, okutuuka okulira amaziga?” Baamukobera ebyo abantu abaava e Yabeshi bye baayogera.