Amainhama 21:16 - Baibuli Ekibono kya Katonda 2014

¹⁶ Yaaja yaatyama ghalaku, mu buleeyi bwa mita nga kikumi. Yaakoba mule ati: “Leka ndobe kubona mwana oyo ng'afa.” Bwe yali ng'atyaime eyo, omwana yaalira.

Amainhama 21:16 ပူးပေါင်းရင်းမြစ်များ

Amainhama 21:15

Ensawo ey'oluwu bweyawaamu amaadhi, yaalekulira agho omwana ghansi mu kisaka.

Amainhama 27:38

Esau yeeghemba ise ati: “Bbaaba, enkabi oli na ndala eti yonka? Wo bbaaba nkweghembye zeena nsabira enkabi!” Agho yaatoolera okuwowoola.

Amainhama 29:11

Agho yaagwa Rakeli mu kifuba, yaasangaala inho, era yaakuba n'omuzira.

Amainhama 44:34

Kuba ndituuka ntya eri lata wange, nga omwisuka tali ninze? Tisobola kuguma kubona akabi akalituuka ku lata wange.”

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

1 Bakyabazinga 3:26

Agho inhina w'omwana omulamu, omwoyo gwamulumira omwana we, yaakoba kyabazinga ati: “Isebantu kyabazinga, omwana mutamwita. Mumumughe nga mulamu.” Aye omukazi ole owundi yaakoba ati: “Taidha kuba wange oba wuwo mumutugabaniemu.”

Isaia 49:15

Musengwa Katonda oyo yaabairamu ati: Omukazi asobola okwerabira omwana we ayonka, yaaloba kugemerwa kisa mwana we oyo ye yazaala? Aye waire ng'omukazi asobola okwerabira, nze tiribeerabira naire.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Luka 15:20

“Agho yeesitula yaaja ye ise. Aye yali akaali ghalaku, ise yaamulengera era yaamugemerwa enaku yaamulumuukirira, yaamugwa mu kifuba, yaamunhwegera.

Abalamuzi 2:4

Malaika wa Musengwa Katonda bwe yamala okwogera ebyo, Abaisiraeli boonaboona baalira amaziga.

Ruthi 1:9

Musengwa Katonda abaghe buli muntu abayire omusaadha owundi era afune amaka ge.” Agho yaabanhwegera ng'abasiibula, aye bombi baatoolera okulira amaziga.

1 Samueli 24:16

Daudi bwe yamala okukoba Saulo ebibono ebyo, Saulo yaakoba ati: “Mwana wange Daudi, bwenebwene niiwe oli kwogera?” Agho Saulo oyo yaatimbuka yaalira amaziga.

1 Samueli 30:4

Agho Daudi n'abantu be yali nabo baatimbuka baalira amaziga mangi, okutuusa amaani agalira bwe gaabawaamu.