Amainhama 21:15 - Baibuli Ekibono kya Katonda 2014

¹⁵ Ensawo ey'oluwu bweyawaamu amaadhi, yaalekulira agho omwana ghansi mu kisaka.

Amainhama 21:15 ပူးပေါင်းရင်းမြစ်များ

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 21:16

Yaaja yaatyama ghalaku, mu buleeyi bwa mita nga kikumi. Yaakoba mule ati: “Leka ndobe kubona mwana oyo ng'afa.” Bwe yali ng'atyaime eyo, omwana yaalira.

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

2 Bakyabazinga 3:9

Agho kyabazinga wa Isiraeli, n'owa wa Buyudaaya, n'owa Edomu baajiira ghalala. Bwe baamala okutambula olugendo olw'enaku omusanvu nga lwa kwezungulula, baaba nga tibakaali na maadhi ga kugha igye waire ensolo dhe baali nadho.

Zabbuli 63:1

Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Isaia 44:12

Omugheesi bw'aba ali kugheesa ekifaananie ekisinzibwa, atoola ekyuma yaakifuguta mu manda ag'omuliro, yaagema enhundo mu ngalo dhe edh'amaani yaakikonta okukitereeza. Bweyeeyongera okuja ng'akola atyo, endhala emuluma, yaakoogha, era bw'atanhwa ku maadhi awaamu amaani.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.