Amainhama 20:7 - Baibuli Ekibono kya Katonda 2014

⁷ Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 20:7 ပူးပေါင်းရင်းမြစ်များ

Amainhama 12:15

Era abakungu aba kyabazinga bwe baamubona, baaghayiraku kyabazinga ku bulungi bwe. Olwo Sarai yaatwalibwa mu kisaagaati kya kyabazinga.

Amainhama 12:17

Aye olw'okuba kyabazinga yatwala Sarai, Musengwa Katonda yaamusindikira endwaire embi einho ghalala n'abantu ab'omu kisaagaati kye.

Amainhama 2:17

Aye otalyanga ku kibala kya ku muti ogw'okumanha obulungi n'obubi, kuba olunaku lwene lw'olikirya, olifa.”

Amainhama 20:18

Kuba Musengwa Katonda yali ng'asibye abakazi boonaboona ab'omu ndhu y'Abimeleki okuzaala, olwa Sara muka Aburahamu.

Amainhama 20:3

Aye Katonda yaabonekera Abimeleki mu kirooto obwire, yaamukoba ati: “Bona, oidha kufa olw'okutwala omukazi oyo, kuba muka musaadha.”

Amainhama 20:8

Abimeleki yaazuuka mu nkyo yaayeta abagheereza be, yaabakobera ebintu ebyo byonabyona, era baatya inho.

Amainhama 23:6

“Musengwa, wulira kye tuli kukoba Iwe oli mukungu mukologho mu ife. Ziika omufu wo mu magombe g'oneerobozaamu ku ago goonagoona ge tuli nago. Ghazira waire omulala ku ife, anaakwima amagombe ge, oba okukulobera okuziikamu omufu wo.”

2 Samueli 24:17

Daudi bwe yabona malaika eyali ali kwita abantu, yaasaba Musengwa Katonda ati: “Linga, nze ninze eyayonoona, naakola ekibi einho, aye abantu bano bazira kye baakola kiri kubaitisa. Kyenva ni nsaba nti, omukono gwo gugwaine kukuba nze n'ab'endhu ya lata wange.”

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

2 Bakyabazinga 5:11

Aye Naamani yaasungughala inho, yaaja ng'akoba ati: “Bona, mbaire ndhuuba nti anaavaayo yaidha yaayemerera ghe ndi, yeeghemba Musengwa Katonda we era yaagheegheeta n'engalo dhe aghali obulwaire, yamponia endwaire ey'ebigenge.

1 Ebyomubyanda 16:22

ng'abakoba ati: “Ghatabaagho agema ku bantu bange be nasiiga omuzigo, abalanzi bange abo mutabakola kibi kyonakyona.”

2 Ebyomubyanda 30:18

Era mu bantu abaali kamaala batyo, mwalimu bangi ku baava mu bika, ekya Efuraimu, n'ekya Manasse, n'ekya Issakari, n'ekya Zebuluni, abaali nga tibeetukwiza. Olwo baaba nga bali kukuza Ekibinuko eky'Okwidhukiriraku Okubitizibwa mu nsambo etali ntuufu. Aye Hezekia yali amaze okubasabira ng'akoba ati: “Musengwa Katonda omulungi asonighe buli muntu,

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Okuvaayo 18:17

Yethuro yaamukoba ati: “Ky'oli kukola ti kikalamu.

Okuvaayo 4:16

Oyo alikwogereragho eri abantu ng'ali ng'oti n'omunwa gwo. Ate iwe oliba ng'oti Katonda y'ali ng'omukobera eby'okukoba.

Okuvaayo 7:1

Agho Musengwa Katonda yaakoba Musa ati: “Bona, nja kukufuula obe ng'oti oli Katonda ye kyabazinga, ate Aaroni muganda wo abe ng'oti mulanzi wo.

Yeremia 14:11

Agho Musengwa Katonda yankoba ati: “Yeremia, otadaaga kusabira bantu bano nze kubayamba.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 27:18

Bwe baba nga bwenebwene balanzi, era nga bali n'obukwenda obuva ye ndi, kale bansabe nze Musengwa Katonda Afuga Amagye, ndobe kuganha bintu ebyasigala mu isinzizo ni mu kisaagaati kya kyabazinga kutwalibwa Babilonia.”

Ezekieli 3:18

Bwe nkoba omuntu omukozi w'ebibi nti, ‘Bwenebwene oidha kufa,’ aye iwe n'otalabula muntu oyo kuva mu bibi bye asobole okuwonia obulamu bwe, omuntu oyo alifiira mu bibi bye. Aye omusango ogw'okufa kwe ndiguta ku iwe.

Ezekieli 33:8

Bwe nkoba omuntu yeenayeena omukozi w'ebibi nti, ‘Iwe omubi, bwenebwene oidha kufa’, memale n'otayogera kumulabula akyuke aleke ebibi bye, omuntu oyo alifiira mu bibi bye. Aye omusango ogw'okufa kwe ndiguta ku iwe.

Abalevi 6:4

Ole anaakolanga ekibi ku ebyo ebyogeirwaku, era abantu ni bamanha ng'ali n'omusango, anaizangagho ekintu ekyo kye yanhaga, oba ekyo kye yafuna mu kuguyaguya, oba ekyo Muisiraeli mwine kye yamulekera ng'omusingo n'aloba okukimwiriza, oba ekyo ekyabula n'akyeiriza ng'akiboine,

Abalevi 6:7

Kabona anaaghangayo omusengo olw'omuntu oyo mu maiso ga Musengwa Katonda, era omuntu oyo anaasoniyibwanga.”

Ebikolwa by'Abatume 8:24

Simoni yaakoba Petero ati: “Munsabire ye Musengwa, ebibono ebyo bye mwogeire ghalobe kubaagho kintuukaku.”

1 Ab'e Korintho 14:4

Oyo ayogera mu nnimi yeezimba yenka, aye oyo ayogera eby'obulanzi azimba Ekikunsu eky'Abaikiriza mu Kurisito kyonakyona.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Abaheburayi 13:4

Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.

1 Samueli 7:5

Agho Samueli yaakoba ati: “Musoloze Abaisiraeli boonaboona, baje e Mizipa. Nze ndidha kubasabira ye Musengwa Katonda.”

1 Samueli 7:8

Abaisiraeli baakoba Samueli bati: “Otalekera kweghemba Musengwa Katonda waife, atuwonie Abafilisiti.”