Amainhama 20:6 - Baibuli Ekibono kya Katonda 2014

⁶ Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

Amainhama 20:6 ပူးပေါင်းရင်းမြစ်များ

Amainhama 20:18

Kuba Musengwa Katonda yali ng'asibye abakazi boonaboona ab'omu ndhu y'Abimeleki okuzaala, olwa Sara muka Aburahamu.

Amainhama 26:11

Kale Abimeleki yaasikirira abantu boonaboona ati: “Kiisi agema ku musaadha ono, oba ku mukazi we, wa kwitibwa.”

Amainhama 3:3

okutoolaku ebyo eby'oku muti oguli ghagati mu nimiro. Katonda yatukoba obutalyanga kibala kya ku muti ogwo, oba waire okugugemaku; ati lwe tulikiryaku lwe tulifa.”

Amainhama 31:24

Aye Katonda yaidhira Labani Omuaramea obwire mu kirooto, yaamukoba ati: “Weegendereze olobe kubaaku kintu kyonakyona ky'okoba Yakobo, kya kumutiisatiisa.”

Amainhama 31:7

Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

Amainhama 35:5

Yakobo n'abaana be bwe baatoolera okutambula, entiisa enene yaagema ab'omu bibuga ebibeezungulwire, baaloba kubalumba.

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Okuvaayo 34:24

Ndidha kubinga amaghanga agali ye muli kuja, ngaziye ekiketezo kye muja okutyamamu. Era ezira muntu aja kwegomba kutoola itaka lyaimwe, emikuzi egyo esatu buli mwaka, gye munaidhanga okunsinza nze Musengwa Katonda waimwe.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Ensambo 6:29

Kityo bwekiri, ni ku ole ayenda ku muka beene; oyo akikola yeenayeena aja kubonerezebwa.

Abalevi 6:2

“Ekigheebwayo olw'okusasula kinaagheebwangayo, omuntu bw'anaakolanga ekibi mu maiso ga Musengwa Katonda, ng'aloba okwiriza Muisiraeli mwine ekintu kye yamulekera ng'omusingo, oba ng'amunhagaku ekintu, oba ng'amutoolaku ekintu mu kuguyaguya,

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

1 Ab'e Korintho 7:1

Mperaano nga ndhira mu ebyo bye mwampandiikiraku, kiba kikalamu omusaadha obutaba na mukazi.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

2 Ab'e Thessalonika 2:11

Katonda kyava abaleetera okudobana ni baikiriza eby'obuguya.

2 Ab'e Thessalonika 2:7

Obudheemu obukolera mu kyama buligho era bukola ogwabwo. Aye ekija okubaagho tikiribaagho okutuusa oyo akirobera okubaagho lw'alitoolebwagho.

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 25:34

Nga Musengwa Katonda wa Isiraeli bw'ali omulamu, oyo andobeire okukukolaku akabi, bwenebwene ngoli toyangwighe n'oidha ye ndi, bwandijiire okukya nga ku bantu ba Nabali, tighakaaligho waire omulala ati ayetebwa omusaadha, akaali omulamu.”