Amainhama 2:9 - Baibuli Ekibono kya Katonda 2014

⁹ Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Amainhama 2:9 ပူးပေါင်းရင်းမြစ်များ

Amainhama 2:17

Aye otalyanga ku kibala kya ku muti ogw'okumanha obulungi n'obubi, kuba olunaku lwene lw'olikirya, olifa.”

Amainhama 3:22

Agho Musengwa Katonda yaakoba ati: “Bona, omuntu afuuse ng'oti niife, okumanhanga obulungi n'obubi. Tutamuganha kunoga kibala ku muti ogw'obulamu, na kukirya, n'aghangaala byanda na byanda.”

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

Amainhama 3:3

okutoolaku ebyo eby'oku muti oguli ghagati mu nimiro. Katonda yatukoba obutalyanga kibala kya ku muti ogwo, oba waire okugugemaku; ati lwe tulikiryaku lwe tulifa.”

Amainhama 3:5

Katonda yakoba atyo kuba aidhi nga bwemulirya ku muti ogwo, amaiso gaimwe galizibuka, mwaba ng'oti ni mwene, mwamanha obulungi n'obubi.”

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Ensambo 3:18

Abafuna amagezi bafuna obulamu; abo abagagumiraku baba ba nkabi.

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Isaia 47:10

Waja weesigulira ku kukola ebibi, waalowooza oti ghazira akubona. Amagezi go n'okumanha kwo byakuleetera okudaaliima, waakoba mule oti, ‘Ninze aligho, ezirayo wundi okutoolaku nze.’

Ezekieli 31:16

Bwe ndigusuula e magombe ghalala n'abo abaika eyo mu lwina, omuvuuma ogw'okugwa kwagwo gulitengeesa amaghanga. Emiti gyonagyona egy'omu Edeni, n'egyo egy'e Lebanoni gyonagyona egisinga bulungi egyanhwa amaadhi, era egyaserengeta mu itaka, girisangaala olw'okugwa kwagwo.

Ezekieli 31:18

“Mu miti gyonagyona egy'omu Edeni, nnaakugeza ku guli gha, mu kitiibwa ni mu bukologho? Aye era weena oliika ghansi ghalala n'emiti egy'omu Edeni, waaba eyo mu nsi ey'abafu ghalala n'abatatya Katonda abo abataali bakekete abaitirwa mu lutalo. “Omuti ogwo ni kyabazinga wa Misiri n'abantu be boonaboona. Nze Musengwa Katonda ninze nkobye.”

Ezekieli 47:12

Ku mbali ni ku mbali okw'omwiga ogwo kulimeraku emiti egya buli nsambo, nga gibalaku ebibala ebiriibwa. Amakaba g'emiti egyo tigalinialanga, era emiti egyo tigirirekeranga kutaaku bibala. Giidha kutangaku ebibala ebiyaaka buli mwezi, olw'okuba ginhwa amaadhi agava mu isinzizo. Ebibala byagyo binaabanga mere, n'amakaba gaagyo gaabanga bulezi obuwonia.”

Yoanne 6:48

“Ninze omugaati ogugha obulamu.

1 Ab'e Korintho 8:1

Mperaano nga ndhira mu ebyo bye mwampandiikiraku ebigema ku by'okulya ebigheebwayo eri ebisinzibwa ebitali Katonda, twidhi nga “twenatwena tuli n'okumanha”. “Okumanha” okwo kuleetera omuntu okwebona nga wa ghaigulu, aye okugonza kuzimba omuntu.

Amateeka Agokubiri 6:25

Ife kye tugwaine okukola, n'okwegendereza tutuukirizenga byonabyona Musengwa Katonda waife bye yatulagira.’ ”

Okwolekebwa 2:7

“Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.

Okwolekebwa 22:2

Gwakulukutira ghagati gh'oluguudo lw'ekibuga ekyo. Eruuyi n'eruuyi ew'omwiga ogwo ghaaligho omuti ogw'obulamu, ogwama ebibala emikuzi ikumi n'ebiri omwaka, nga gwama buli mwezi. Amakaba gaagwo nga ga kuwonia amaghanga goonagoona.